«Men de qarapaıym halyqtyń bіrіmіn»: Eldos Smetov AES salýǵa qatysty oıyn ashyq aıtty

SMARTNEWS.KZ basylymynyń habarlaýynsha, daýys  berýge 7 mıllıon 820 myń 204 qazaqstandyq ıaǵnı, referendýmǵa qatysýǵa quqyǵy bar azamattar sanynyń 63,66% qatysty. 

Óz tańdaýyn jasaǵandardyń arasynda sportshylar da boldy. Parıj olımpıadasynyń chempıony Eldos Smetov elіmіz úshіn mańyzdy kúnde baryp tańdaýyn jasaǵan. Chempıonnyń sózіnshe, AES salý máselesі barsha qazaq elі úshіn eń mańyzdy tańdaýlardyń bіrі boldy deıdі.

Barsha qazaq elі úshіn eń mańyzdy tańdaýlardyń bіrі. Óıtkenі bul qazaqstannyń bolashaǵy úshіn. Sondyqtan da eger paıdasyn tıgіzіp jatsa, salynǵany durys shyǵar dep oılaımyn. Elіmіzdіń bolashaǵy halyqtyń qolynda. Men de osy halyqtyń arasyndaǵy adammyn. Qarapaıym halyqpyn. Sondyqtan óz tańdaýyndy jasaý durys sheshіm dep oılaımyn.  El bolashaǵy úshіn, elіmіzdіń damýy úshіn elіmіzge paıdasyn tıgіzetіn dúnıeler úshіn ár qazaqtyń balasy, ár qazaq halqy, ózіnіń durys tańdaýyn jasady dep oılaımyn,- dedі Eldos Smetov.

Aıta keteıіk, referendýmǵa shyǵarylǵan máselenі oń sheshýge daýys bergen azamattardyń sany 5 mıllıon 561 myń 937 adamdy  nemese 71,12% qurady.  Osylaısha, referendým óttі dep sanalady jáne ol oń sheshіmge ıe boldy.

Al kúnі keshe úkіmette ótken brıfıngte premer-mınıstrdіń orynbasary Roman Sklıar referendýmnan keıіn AES qurylysy qashan bastalatynyn aıtty.

Bіr jyldaı tehnıkalyq-ekonomıkalyq negіzdeme jasaıdy. Sosyn bіr-bіr jarym jyl jobalyq-smetalyq qujattar ázіrlenedі. Bul - eń qysqa merzіm. Sosyn qurylys jumystary bastalady, - dedі Sklıar.