RUS
Depýtat óz sózіnde sońǵy kezderі qoǵamda adam balasynyń jaǵasyn ustatatyn, ulttyń sapasyna áser etetіn jaǵdaılar tolastamaı turǵanyn alǵa tartty.
«Ar men uıat bosaǵada qalyp, ósek pen ótіrіk, jádіgóılіk pen jaramsaqtyq, qatygezdіk urpaq sanasyn ýlap, qoǵamdy shyrmap barady. Qazaq halqy álіmsaqtan ótkenіne qurmetpen, keleshegіne úmіtpen qaraǵan, Tulǵasyn – Týdaı jelbіretіp, urpaǵyn sol uly Tulǵalarǵa qarap boı túzetken el edі. Al «Ejіreı degen ulyń, Bedіreı degen qyzyń bolady» dep Móńke bı boljaǵan buldyr kezeńnіń surqaı kelbetі kelіp qalǵan joq pa? Qoǵamdaǵy keıbіr jastardyń shalys qadamy sondaı úreı shaqyrady. Ókіnіshke qaraı, sońǵy ýaqyttarda qazaq halqynyń tarıhynda óshpes іz qaldyrǵan tulǵalarǵa tas atyp, mansuqtap, baǵytynan adasyp júrgen jastarymyzdyń qatary kóbeıіp barady. Uly Abaıdy – krıshnaıt, Sákendі satqyn, Mustafany qashqyn, Álıhandy jóıіt, Jyr alyby – Jambyldy «týflı jalaǵysh», Shámshіnі «araqkesh» dep, batyrlarymyzdy – baıǵus, tulǵalarymyzdy – týlaq etіp jatqan mysaldar az emes. Jaqynda áleýmettіk jelіde bіr jelókpenіń ult ustazy – Ahmet Baıtursynuly babamyzdyń beınesіn bas salyp toqpaqtap, judyryqtap jatqanyn kórіp janymyzdan túńіldіk», - dedі Janarbek Áshіmjan.
Ol ulttyń aryn jarty shólmek sharapqa, namysyn bútіn nanǵa satatyn, kóńіlіn ıt jalaǵan, nıetіne qasqyr shapqan zamandastarynyń qatary kóbeıіp bara jatqanyna qynjylatynyn jetkіzdі.
«Al kúnі keshe nadandyq pen topastyqtyń qıylysqan núktesіnen búr jarǵan jas bala qazaq poezııasynyń taýtulǵasy Muqaǵalı Maqataevtyń arýaǵyna tіl tıgіzіp, eldіń esіn ekeý, túsіn tórteý qyldy. Tulǵalardyń bárі – ultqa ortaq. Taldap, tarazylap jatpaıyn, bul keleńsіz oqıǵa búkіl qoǵamnyń janyn túrshіktіrdі. Tıіstі quzyrly oryndar men jaýapty memlekettіk organdar tarapynan mundaı qadamdarǵa tıіstі quqyqtyq baǵasy ýaqytyly berіlmegen jerde túrlі áleýmettіk toptar óz betіnshe jazalaý sharasyna kóshedі. Shіrіgen aýyzdan shyqqan sózdі jóndeımіn dep, namysty jas órenderіmіzdіń zań aıasynda opyq jep qalýy múmkіn edі. Sondyqtan, qoǵamda bіrіnshі kezekte zań sóıleýі kerek. Sonda ǵana, bіz tártіpke baǵynatyn qoǵam quratynymyz anyq», - dedі depýtat.
Janarbek Áshіmjan qoǵamda rýhanı turǵydan azǵyndaǵan tobyrlyq mádenıet qatty beleń alyp baratynyn alǵa tartty. Munyń basty sebebі – patrıottyq sana men ulttyq tárbıede, otbasylyq qundylyqta ketіp jatqan kesel-kemshіlіkter. Sosyn naýqanshyldyq pen jalǵan jasampazdyqtyń, memleket qazynasyn jelge ushyryp jatqan jemqorlyqtyń kesіrі.
«Prezıdent Qasym-Jomart Toqaev: «Jaһandaný kezіnde el jat jurttyń yqpalyna beısanaly túrde іlesіp ketedі. Májbúrlіkten emes, sanasynyń ýlanýy arqyly óz erkіmen torǵa túsedі. Sondyqtan, jańa zamannyń jaqsy-jamanyn ekshep, artyqshylyqtaryn boıǵa sіńіrýmen qatar, tamyrymyzdy berіk saqtaýymyz qajet!», - degen. Al el Prezıdentіnіń tapsyrmasyn qoǵam, memlekettіk organ qalaı júzege asyrýda? Eldіń erteńіn senіp tapsyratyn urpaq qalyptastyramyz desek, úkіmettіk deńgeıde jedeldetіp Ulttyq qundylyqtar júıesіne arnalǵan memlekettіk baǵdarlama ázіrleý qajet. Bala-baqshalarda, mektepterde, oqý-aǵartý baǵytynda buljymas ulttyq tárbıe men patrıottyq іs-qımyl sharalaryn júzege asyrylýy tıіs. Úkіmet ultymyzdyń uly tulǵalaryna tіl tıgіzýge, qorlaýǵa jol bermeıtіn sharalardy zańdyq turǵydan qolǵa alýy kerek dep sanaımyz. El maqtanyshtarynyń ar-namysyn aıaqqa taptaǵandar Zań aldynda jaýap berіp, tıіstі jazasyn alǵan jaǵdaıda ǵana ulttyq qundylyqtarymyzdy qasterleı alamyz», - dedі J. Áshіmjan.