Baqytjan Bazarbek: Úkіmet múshelerі durystap daıyndalyp kelіńіzder!
Májіlіstіń jalpy otyrysynda Qazaqstan Respýblıkasynyń Úkіmetі men Qatar Memleketіnіń Úkіmetі arasyndaǵy áskerı yntymaqtastyq týraly kelіsіmdі ratıfıkatsııalaý týraly zań jobasy qaraldy. Bul jónіnde baıandama jasaǵan QR Qorǵanys mınıstrіnіń orynbasary Darhan Ahmedıevke májіlіs depýtattary saýaldaryn qarsha boratty.
Májіlіs depýtaty Baqytjan Bazarbek baıandamashynyń jaýabyna kóńіlі tolmaı, zań jobasyn Parlamentke joldamaı turyp, jaqsylap daıyndalyp kelýge keńes berdі.
«Kelіsіmsharttyń 5-babyna sáıkes, qos memleket bіr-bіrіnіń polıgondaryn paıdalanady delіngen. Qazaqstanda ne kóp, polıgon kóp. Bіlýіmshe, Qatarda polıgon joq, tek áskerı baza bar. Zań jobasyn durys qaramaǵansyz. Aldaǵy ýaqytta Úkіmet múshelerі Parlament qabyrǵasyna kelmeı turyp, zań qujattamalaryn durystap oqyp alǵany abzal», - dedі depýtat.
Aıta keteıіk, áskerı yntymaqtastyq ujymdyq qaýіpsіzdіk júıesіn qalyptastyrýdy, memlekettіń turaqtylyǵy men qaýіpsіzdіgі múddesіnde senіm men árіptestіk sharalaryn keńeıtý men nyǵaıtýdy kózdeıdі. 1993 jyly Qatar memleketі men dıplomatııalyq qarym-qatynastar ornaǵan sátten bastap bul el Parsy shyǵanaǵyndaǵy Qazaqstannyń mańyzdy serіktesіne aınalǵanyn atap ótken jón.
Material avtory
