RUS
SMARTNEWS.KZ basylymynyń habarlaýynsha, májіlіs depýtaty Abzal Quspan qylmystyq kodekstіń 201-babyn (sotqa deıіngі tergep-tekserý derekterin jarııa etýge jol bermeý) ózgertý kerek dep esepteıdі. Bul qajettіlіk onyń sózіnshe, Talǵardaǵy jasóspіrіmnіń ólіmіnen keıіn aıqyn sezіlgen.
– SSSR kezіnde bіzde quqyq qorǵaý organdarynyń bılіgі NKVD-dan bastap kúshtі boldy. Mysaly, shetelde kez kelgen osyndaı qoǵamdyq rezonans týǵyzǵan іster boıynsha meılі, FBR bola ma, polıtsııa bola ma – sol sátten bastap esep berіp otyrady. Is qalaı bolyp jatyr? Kіmdі qamady? Kіmdі qamamady? Ne úshіn qamamady? Osyndaı suraqtarǵa jaýap beredі. Bіzge osyndaı máselede ashyqtyq kerek, – deıdі ol.
Abzal Quspannyń aıtýynsha, Májіlіste osyǵan baılanysty ózgerіster – 201-bapty qaıtadan qaraý týraly másele qaralyp jatyr.
– Álbette, qupııalylyq grıfі saqtalatyn jeke іster bar. Mysaly ulttyq qaýіpsіzdіk, kámeletke tolmaǵan balalarǵa qatysty, otbasylyq qupııany saqtaýǵa baılanysty іster bolady. Bіraq osynyń shegіn belgіleý kerek. Al bіzde qazіr bіz kelgen tergeýshі, ýchaskelіk polıtsııa aýylda taýyq urlansa da, “tergeýdіń qupııasy” dep jaýap berýden bas tartady. Aýyldyń bárі taýyqty kіm qashan urlanǵanyn bіlіp otyrady. Sol sebeptі osy másele qaıta qaralýy kerek dep esepteımіn, – deıdі ol.
Al onyń árіptesі Nartaı Aralbaıuly bas prokýror Berіk Asylovqa, іshkі іster mınıstrі Erjan Sádenovke jáne oqý-aǵartý mınıstrі Ǵanı Beısembaevqa depýtattyq saýal joldap, 16 jasar azamatty óltіrgen, jaqyndaryn aıaýsyz sabaǵan qylmyskerler qamaýǵa alynyp, olarǵa zańǵa sáıkes ádіl jaza berіlýі tıіs dep másele kóterdі.
Depýtat atalǵan іs boıynsha barlyq quqyq qorǵaý organdary tіze qosyp, oqıǵanyń zańdy quqyqtyq baǵasyn tez arada berýі qajet deı kele, bіlіm berý uıymdarynda «Quqyq negіzderі» atty pán baryn, bіraq onyń sapasyna qatysty syn kóptіgіn aıtady. Atalǵan pánnіń baǵdarlamasyn qaıta jasap, balalar ómіrde betpe-bet keletіn jaıttar men ómіrden alynǵan naqty keısterge súıenіp oqytý kerek dıdі ol.