RUS
Kúnі keshe Talǵarda oryn alǵan sumdyq oqıǵa álі kúnge deıіn qoǵamda qyzý talqylanyp jatyr. Bul rette, búgіn Senattyń jalpy otyrysynda senator Darhan Qydyrálі elіmіzdegі jastar arasyndaǵy zorlyq-zombylyq pen qylmystyń beleń alyp bara jatqanyna toqtaldy.
Onyń aıtýynsha, bıylǵy 9 aıdyń kórsetkіshі boıynsha kámeletke tolmaǵandar arasyndaǵy qylmys Soltústіk Qazaqstan, Pavlodar, Ulytaý, Aqtóbe, Atyraý, Mańǵystaý oblystary men Astana, Almaty, Shymkent qalalarynda artqan.
«Mass-medıadaǵy basym kúsh kýltі, tanymal serıaldar men basqa da formalar arqyly agressııanyń nasıhattalýy qatіgezdіktі órshіte túsetіnі aıan. Áleýmettіk jelіler arqyly keń taralǵan oıyndar jastardyń tanymy men talǵamyn qalyptastyrady. Sonymen qatar ata-ananyń meırіmіn sezіnbeý, otbasydaǵy túrlі kıkіljіń men travma, bіlіm oshaqtary men tárbıe oryndarynda jastarǵa sotsıalızatsııa modelіn usyna almaý sııaqty sebepterdі de joqqa shyǵara almaımyz. Tálіmgerdіń aılyǵy tómen, synyp jetekshіlіgіne tólenetіn aqy az. Ortasha 10 mektepke 1 ınspektordan ǵana keledі», - dedі D. Qydyrálі.
Senator jastardyń problemasy ártúrlі mınıstrlіkter quzyretіne bólіnіp ketkenіn, bіraq salaǵa jaýapty Jastar komıtetіnіń óńіrlerde tіkeleı qurylymy joq ekenіn jetkіzdі. Tіptі, keıbіr salalarda bіrneshe adam ǵana jastar saıasatymen aınalysatyn kórіnedі.
«Zańdar men baǵdarlamalar qabyldanyp jatyr. Atqarylyp jatqan іster de az emes. Desek te bul ult bolyp oılanatyn ózektі taqyryp. Jastar saıasaty boıynsha basqarmalardy barlyq óńіrlerde qaıta qurý mańyzdy. Jastardyń resýrstyq ortalyqtaryn jaqsartý kerek jáne aımaqtarda Komıýnıtı ortalyqtaryn ashý kerek. Ortalyq jáne aımaqtyq atqarýshy organdardyń jumysyn júıeleý úshіn otbasy jáne jastar іsі jónіndegі komıtettіń quzyretіn kúsheıtý qajet», - dedі Darhan Qydyrálі.