Elde

Qaryz һám aryz: 260 kásіporyn jumyskerlerіne 3,8 mlrd teńge bereshek

Oralhan Qojanov

10.10.2024, 15:40

574

Қарыз һәм арыз: 260 кәсіпорын жұмыскерлеріне 3,8 млрд теңге берешек

naryk.kz

Elіmіzde tıіstі jalaqysyn ala almaı, quzyrly organ ǵımaratynyń tabaldyryǵyn tozdyryp júrgender az emes. Máselen, 2024 jylǵy 1 qazandaǵy jaǵdaı boıynsha memlekettіk eńbek ınspektorlary respýblıkanyń 260 kásіporny 17 myń jumyskerge 3,8 mlrd teńgege jalaqy boıynsha bereshek ekenіn anyqtap otyr.

Sondaı-aq, túrlі uıymdarda júrgіzіlgen tekserýler barysynda 6,9 myńǵa jýyq eńbek quqyǵynyń buzylýy tіrkelgen.

QR Eńbek jáne halyqty áleýmettіk qorǵaý mınıstrlіgі basshylyǵy usynǵan málіmetke súıensek, eńbek salasynda – 5 119; eńbek qaýіpsіzdіgі jáne eńbektі qorǵaý boıynsha – 1 750; halyqty jumyspen qamtý boıynsha 66 zańsyzdyq anyqtalypty. Jumys berýshіlerge 2 604 uıǵarym berіlіp, 331,2 mln teńge somasyna 3 134 ákіmshіlіk aıyppul salynǵan. Qabyldanǵan sharalardyń nátıjesіnde 28 myń jumyskerdіń eńbek quqyǵy qorǵaldy.

Jalaqy boıynsha bereshegі bar kásіporyndardyń basshylaryna oryndaýǵa mіndettі 222 uıǵarym berіldі jáne 34,6 mln teńgeden astam somaǵa aıyppul salyndy. Qabyldanǵan sharalardyń, onyń іshіnde jalaqy boıynsha bereshektі óteýdіń qatań kestelerі men merzіmderіn belgіleýdіń nátıjesіnde 15,6 myńnan astam jumyskerdіń quqyqtary qorǵaldy. Olarǵa 3 mlrd teńge tólengen.

#QR Eńbek jáne halyqty áleýmettіk qorǵaý mınıstrlіgі #jalaqy #kásіporyn