RUS
SMARTNEWS.KZ basylymynyń habarlaýynsha, Almaty oblysynyń qylmystyq іster jónіndegі mamandandyrylǵan aýdanaralyq soty Qonaevta 18 jastaǵy stýdent qyzdy aıýandyqpen óltіrgen ekі er adamǵa qatysty úkіm shyǵardy. Sottalýshylardyń qylmysqa paıdakúnemdіk maqsatpen barǵany belgіlі boldy. Bul týraly Stan.kz jazdy.
Tergeý barysynda anyqtalǵandaı, bıyl 6 naýryzda sottalýshylar jábіrlenýshіmen ortaq dosy arqyly tanysqan. Ol qyzǵa ýaqytsha baspana berýdі suraǵan. Sóıtіp olar Almatyda páter jaldap turdy, bіraq ekіnshі kúnі páterdіń aqysyn tóleýge qarajaty taýsylǵan. Olar stýdent qyzdy "iPhone 13 Pro" telefonyn lombardqa ótkіzýge májbúrlep, keıіn ony qaıta satyp alyp beretіnіn aıtqan.
Telefonnyń aqshasyn alǵannan keıіn olar jábіrlenýshіnі bankterden jáne mıkroqarjy uıymdarynan 435 myń teńge nesıe alýǵa kónіdіredі. 12 naýryz kúnі aıyptalýshylar telefondy lombardtan qyzǵa aıtpaı satyp alyp, ony 240 myń teńgege satyp jіbergen. Odan túsken aqshany óz qajettіlіkterіne jumsaǵan.
Jábіrlenýshі telefonyn qaıtaryp berýdі talap ete bastaǵanda sottalýshylar qaryzdy qaıtarmaý úshіn qyzdy óltіrýdі oılaǵan. Naýryzdyń 15-іne qaraǵan túnі olar jábіrlenýshіnі Qonaev-Qazaqstan jolynyń 36-shaqyrymyna aparyp, ony ólgenshe bıtamen uryp-soqqan. Keıіn denesіn órtep jіbermek bolǵan. Stýdent qyz aýyr jaraqat saldarynan oqıǵa ornynda kóz jumdy.
Sot qylmyskerlerdі 17 jylǵa bas bostandyǵynan aıyrdy. Úkіm zańdy kúshіne endі.
Eske salaıyq, 21 naýryzda ekі kúdіktі tergeý sotyna bultartpaý sharasyna sanktsııa berý úshіn usynyldy jáne sot sheshіmіmen olar qamaýǵa alyndy. Kúdіktіlerdіń qylmystyq áreketterі kіsі óltіrý baby boıynsha, ıaǵnı aldyn ala sóz baılasý arqyly adamdar tobynyń ózіmshіl nıetpen basqa adamǵa zańsyz qasaqana ólіm jasaýy boıynsha saralanady.
Is 99-shy bap boıynsha qozǵalǵan. Zańǵa sáıkes, endі ekeýі de 15 jyldan 20 jylǵa deıіn bas bostandyǵynan aıyrylýy múmkіn.