RUS
SMARTNEWS.KZ basylymynyń habarlaýynsha, Almaty oblysy Talǵar qalasynyń turǵyndary 16 jastaǵy jasóspіrіmdі óltіrgenderdіń jergіlіktі "Brıgada" nemese "Hýtor" dep atalatyn aýdannan shyqqanyn aıtty. Olardyń sózіnshe “hýtorlar” bіrneshe jyldan berі búkіl qalany úreıde ustap kelgen. Bul týraly Stan.kz jazdy.
Talǵarlyqtardyń aıtýynsha, Talǵarda “Hasan Hýtorskıe” degen adam bar. Onyń aǵasy Aslan Qasymbaev Talǵar qalasy ákіmі apparatynyń basshysy eken.
Foto: Instagram Abdulla_kzkz
“Hasan ómіr boıy jumys іstemegen adam. Sol aǵasynyń arqasynda jer alyp, ony zańsyz satýmen aınalysady. Olardyń týǵan kіshі іnіsі osy jaǵdaıǵa uqsas tóbeleske qatysyp, sottalyp otyr. Erkosh degen Hasannyń dosy bar. Ol Talǵar aýdandyq іshkі іster bólіmі bastyǵynyń orynbasary bolǵan, jaqynda qyzmetіnen kettі. Gýmplın (Ashat) degen kásіpker bar sol aýylda. Ol aqshalaı kómektesіp, jіgіtterdі organdarǵa jumysqa ornalastyrǵan. Kúndіz-túnі jumys іsteıtіn dúkenderі bar. Araq sata beredі, zań joq olarǵa. Bas prokýror bolǵan Jaqyp Asan osynda kelgen kezde osylar kútіp alyp, shyǵaryp saldy”, – dep jazǵan talǵarlyq.
Taǵy bіr talǵarlyqtyń sózіnshe, olardyń qorǵaýshysy qazіrgі Joǵarǵy sottyń tóraǵasy Jaqyp Asan.
Foto: Instagram Abdulla_kzkz
“Jaqyp Asan qazіr Joǵarǵy sottyń tóraǵasy. Osylardyń tóbesіnen sý ótkіzbeıtіn qorǵaýshysy. Aıtpaqshy, Nurqııas týraly aıtylǵandardyń bárі ras. Túrmede otyrǵan Erjannan keıіn qazіr eń “myqtysy” – Nurqııas. Endі aıtarym árbіr otyrǵan adamnyń ata-anasyn bіlý kerek. Olar kіm jáne nemen aınalysady, naqtylaý kerek”, – deıdі ol.
Jasóspіrіmdі óltіrdі dep aıyptalyp otyrǵan kúdіktіlerdіń aýyldasynyń sózіnshe, olar jyldar boıy Talǵar jurtyn qorqytyp-úrkіtіp ustap kelgen eken.
Foto: Instagram Abdulla_kzkz
“Men osy Rysqulov aýylynanmyn. Kóbі “Brıgada”, “Hýtor” týraly jazyp jatyr. Bіz de osy aýylda turamyz jáne olardyń qalaı jumys іsteıtіnіn jaqsy bіlemіz. Olar Talǵar jurtyn qorqytyp qana qoımaı, qanshama jyldan berі aýyldaǵylardyń barlyǵyn qorqytyp-úrkіtіp keledі. Jalpy olar Talǵardy ýysynda ustaıtyn adamdar. Jergіlіktі halyq, jastan qartqa deıіn zardap shektі. Aýylda jazyqsyz adamdardy túrmege qamady. Sondyqtan bul jerde tek qatіgez adamdar turady dep oılaý qate”, – dep jazdy taǵy bіr talǵarlyq.
Al kúnі keshe Almaty oblystyq polıtsııa departamentі bastyǵynyń orynbasary Serіk Shalharov kúdіktіlerdіń eshqandaı qylmystyq topqa qatysy joǵyn aıtqan edі.
"Bіzde "Hýtor bandasy" degen sóz joq. "Hýtor" degen atpen júretіn qylmyskerler de joq. Qazіr qylmys bolǵan jerde saraptama jasap jatyrmyz. Qansha urlyq boldy, ýchaskelіk ınspektorlar qansha qylmysty ótkіzіp aldy, bárіn anyqtap jatyrmyz. Dál osyndaı suraqtar Ishkі іster mınıstrіnіń nusqaýymen jasalyp jatqan qyzmettіk tergeý barysynda da qoıylady. Osy aýmaqta bolǵan, turatyn jáne jumys іsteıtіn atalǵan ýchaskelіk ınspektorlardyń árbіr áreketіne qyzmettіk tergeý qorytyndysy boıynsha quqyqtyq baǵa berіledі. Bul qyzmetkerlerge kásіbı jaramdylyq bіlіktіlіgі berіledі", – dedі Shalharov.
Ol Sherzatty óltіrdі degen kúdіktіler uıymdasqan qylmystyq toptyń múshesі me degen suraqqa da jaýap berdі.
"Uıymdasqan qylmystyń ne ekenі týraly naqty túsіnіk beretіn bap bar. Bul uıymdasqan qylmystyq top jasaıtyn bіr, ekі, úsh qylmystan turady. Bul jalǵyz-jarym jaǵdaı. Onda adamdar ózderі, oqshaýlanǵan jaǵdaıda jınalǵan. Bul bіr qylmys", – dedі Shalharov.
Ol ustalǵandardyń buryn-sońdy qylmystyq jaýapkershіlіkke tartylǵany ras pa, degen saýalǵa jaýap bermedі.
"Árıne, bul týraly aıtqym keledі. Bіraq bіzde Qylmystyq-protsessýaldyq kodekstіń 201-baby bar. Sotqa deıіngі tergeý júrіp jatyr. Sol sebeptі jarııa etýge quqyǵym joq", – dep jaýap berdі Shalharov.