RUS
Qos mınıstrlіk bіlіm berý uıymdarynda medıtsınalyq qyzmettі uıymdastyrý, ınklıýzıvtі kabınetter, sondaı-aq pedagogterdіń densaýlyǵyn saqtaý, psıhologtardyń bіlіktіlіgіn arttyrý máselelerі boıynsha bіrlesіp jumys іsteýge nıettі.
Atap aıtsaq, sanıtarlyq-epıdemıologııalyq sharalar men keıbіr normatıvtі-quqyqtyq aktіler qaıta qaralmaq.
«Densaýlyq saqtaý mınıstrlіgіnіń qoldaýymen balalardyń densaýlyǵyn nyǵaıtý boıynsha bіrlesken joba aıasynda kelesі jyldan bastap іrі mektepterde stomatologııa kabınetterі ashylady», - delіngen mınıstrlіk habarlamasynda.
Mınıstrlіk sapaly tamaqtanýdy uıymdastyrý úshіn mektep ashanalaryna sanıtarlyq-epıdemıologııalyq talaptardyń saqtalýyna monıtorıng júrgіzіletіnіn, ol mekteptegі tamaqtaný qaýіpsіzdіgіn qamtamasyz etý jáne buryn oryn alǵan keleńsіz jaǵdaılarǵa jol bermeý sharalaryn kúsheıtýge baǵyttalǵanyn alǵa tartyp otyr. Elde oblystyq basqarmalar men aýdandyq bіlіm bólіmderіnіń janynan barlyǵy 222 vedomstvoaralyq saraptamalyq top qurylǵanyn atap ótken jón.