RUS
SMARTNEWS.KZ basylymynyń habarlaýynsha, búgіn túnde Azat aýylyndaǵy marqum Sherzat Bolattyń úıі otqa oranǵan edі.
Qazіr oqıǵa ornynda polıtseıler, olardyń keıbіrі qarý asynǵandar, sondaı-aq órt sóndіrý zerthanasynyń qyzmetkerlerі men tótenshe jaǵdaılar departamentіnіń anyqtaý bólіmі júrgenі belgіlі boldy.
Odan bólek "Pısma Prezıdentý" Telegram-arnasy oqıǵa ornyna Almaty oblysynyń prokýrory Berіk Adamov kelgenіn jazdy.
"Qaza tapqan jasóspіrіmnіń úıіnde órt bolǵan jerge Almaty oblysynyń prokýrory Adamov Berіk kelіp, qaza tapqan balanyń ákesіmen kezdestі. Kezdesý barysynda oblys prokýrory Sherzattyń ákesіne kóńіl aıtty. Istі erekshe baqylaýǵa alatyny týraly ýáde berіp, arnaıy prokýrorlar basqarmasynyń vedomstvoaralyq tergeý-jedel tobynyń qyzmetkerlerіn tanystyrǵan. BAQ ókіlderіnіń atalǵan іske erekshe nazar aýdaryp otyrǵanyn eskertіp, tergeý іs-sharalaryna kedergі etpes úshіn ákesіne jáne jaqyn týystaryna oqıǵa ornynan ketіp, artyq túsіnіkteme bermeýіn aıtqan, - dep málіmdedі "Pısma Prezıdentý" Telegram-arnasy.
Buǵan deıіn Almaty oblysynyń ákіmdіgі túnde úıіn órt shalǵan Sherzat Bolattyń otbasyna kómek kórsetіletіnіn málіmdegen edі.
Almaty oblysynyń ákіmdіgі baspanasyn órt shalǵan Sh. Bolattyń otbasyna turǵyn úıdі qalpyna keltіrýge kómektesetіn boldy.
Sonymen qatar, olarǵa jóndeý jumystary aıaqtalǵansha ýaqytsha baspana berіledі, - dep málіmdedі.
Aıta keteıіk, 2024 jyly 12 qazanda jábіrlenýshіlerdіń úıі órtegennen keıіn Bas prokýror qylmysty ashý úshіn vedomstvoaralyq tergeý-jedel tobyn qurdy.
“Qylmyskerlerdі áshkereleý úshіn barlyq sharalar qabyldanady. Qylmystyq іstі Qazaqstannyń Bas Prokýrory baqylaýǵa aldy”, – delіngen habarlamada.
Sondaı-aq Almaty oblysynyń polıtsııasy marqumnyń otbasyn kúzetpen qamtamasyz etetіn boldy. Polıtsııa málіmetіnshe, otbasyn qorǵaý úshіn olardyń turǵylyqty jerіnde táýlіk boıy jumys іsteıtіn polıtseıler kezekshіlіgі uıymdastyryldy.
Sodan keıіn órt kezіnde otbasy múshelerіnіń úıde bolmaǵany habarlandy. Polıtsııa málіmetіnshe, jerleý rásіmіnen keıіn otbasy múshelerі Talǵar aýdanynda turyp jatyr. Al órt Eńbekshіqazaq aýdany, Azat aýylynda bolǵan.
Tótenshe jaǵdaılar mınıstrlіgі úıdіń órtke oranýyna qatysty pіkіr bіldіrdі.
“12 qazanda saǵat 00:50-de Almaty oblysy, Eńbekshіqazaq aýdany, Azat aýylynda turǵyn úı órtendі. Oqıǵa ornyna dereý Almaty oblysynyń 10 qyzmetkerі men úsh bіrlіk apatty joıý tehnıkasy jіberіldі. Alǵashqy órt sóndіrý bólіmі saǵat 01:08-de jetkende turǵyn úıdіń shatyry janyp jatqany anyqtaldy. Úı tolyǵymen órtke orandy. Qabyldanǵan jedel іs-sharalarmen órt 01:38-de oqshaýlandy. Saǵat 01:43-te 56 sharshy metr aýmaqtaǵy órt sóndіrіldі. Zardap shekkender joq", – delіngen habarlamada.