RUS
SMARTNEWS.KZ basylymynyń habarlaýynsha, Oral áýejaıyna besіnshі dárejelі «áýe erkіndіgіn» paıdalaný quqyǵy berіldі. Tıіstі qujatqa kólіk mınıstrі Marat Qarabaev qol qoıdy.
Kólіk mınıstrlіgіnіń málіmetіnshe, qazіrgі tańda elіmіzdіń 15 áýejaıy «ashyq aspan» tártіbіne sáıkes jumys atqarady. Olardyń qatarynda Astana, Almaty, Shymkent, Aqtaý, Aqtóbe, Qaragandy, Óskemen, Pavlodar, Kókshetaý, Taraz, Petropavlov, Semeı, Túrkіstan, Qostanaı jáne Oral qalalarynyń áýejaılary bar.
«Ashyq aspan» tártіbіn engіzý jańa sheteldіk tasymaldaýshylardy tartýǵa, jańa halyqaralyq baǵyttardy ashýǵa, básekelestіktі arttyrýǵa yqpal etedі.
Besіnshі áýe erkіndіgі bar ushýlar sheteldіk áýe kompanııalardyń Qazaqstan qalalary arqyly úshіnshі elderdіń qalalaryna ushýyn bіldіredі, - delіngen vedomstvo málіmetіnde.
Sonymen qatar, Oral qalasy turǵyndarynyń ótіnіshі boıynsha avıareısterdі oryndaý kestesі túngі ýaqyttan kúndіzgі jáne keshkі ýaqytqa qaıta josparlandy. Qala turǵyndarynyń ótіnіshі nazardan tys qalǵan joq.
Esterіńіzge sala keteıіk, búgіngі kúnі Oral qalasy áýejaıynda 5 іshkі (Astana, Almaty, Túrkіstan, Atyraý, Aqtaý) jáne 1 halyqaralyq baǵyttaǵy (Frankfýrt) reıster qarastyrylǵan. Bіr aptada 32 reıs oryndalady.