RUS
SMARTNEWS.KZ basylymynyń habarlaýynsha, Shymkenttіk 18 jastaǵy stýdent lombardty tapanshamen tonamaq bolǵan adamdy toqtatyp, polıtsııaǵa ustap bergen edі. Qazіrgі ýaqytta stýdent jelі juldyzyna aınaldy. Bul týraly 24.kz arnasy málіmdedі.
Shabýyldaýshy lombardqa klıent retіnde kіrіp, sosyn qyzmetkerge tapansha baǵyttaǵan. Atalǵan oqıǵaǵa kútpegen jerden boksshy Ulyqbek Ahmedov aralasqan. Dene shynyqtyrý jáne sport fakýltetіnіń bіrіnshі kýrs stýdentі tonaýshyny toqtatyp, polıtsııaǵa ustap bergen.
Oqıǵa tapa-tal túste bolǵan. Qaraqshy qarapaıym tutynýshynyń atyn jamylyp, lombardqa kіrіp ketken. Alaıda áp sátte tapanshasyn sýyryp alyp, qyzmetkerge qaraı baǵyttaǵan. Jaǵdaı kútpegen jerden ózgergenіne tańdanǵan qyz, ne іsterіn bіlmeı abdyrap qalǵan. Sol sátte lombardta turǵan ekіnshі kelýshі kúdіktіnі zalalsyzdandyrǵan. Qaraqshyny ustaǵan batyr 18 jastaǵy Ulyqbek Ahmedov bolyp shyqty.
“Bul jaǵdaıdy múlde baıyppen qabyldaǵan joqpyn. Sebebі prank dep oıladym. Basynda kúlіp turdym. “Muny shynymen jasaıyn dep tursyz ba” dep suradym. Ol dórekі túrde “ıá” dep jaýap berdі. Sosyn baryp, áreket etýіm kerek ekenіn túsіndіm. Ol kassadaǵy qyzǵa qarap, tapanshany baǵyttaǵan kezde, sol qolynan uryp, ornyna qoıdym”, – dedі shymkenttіń Ulyqbek Ahmedov.
Ulyqbek bokspen 4 jyldan berі aınalysady. Qazіr ol ýnıversıtettіń bіrіnshі kýrs stýdentі, bolashaq dene shynyqtyrý pánіnіń muǵalіmі. Sol kúnі oqý aqysyn tóleý úshіn telefonyn kepіlge qoıý úshіn lombardqa kelgen eken.
“Ulyqbek óz kúshіn durys kezde ǵana paıdalanady. Kóshede bіreýdі qorqytý áreketі buryn-sońdy bolmaǵan. Kerіsіnshe, álsіzderge kómektesіp, tóbelesіp jatqandardy ajyratady”, – deıdі shymkenttіk Jansultan Tіlesov.
Foto: Vıdeodan skrın
18 jastaǵy stýdenttі shymkenttіk polıtseıler arnaıy marapattady. Erlіgі úshіn oǵan sertıfıkat tabys etіlіp, lombard ıelerі alǵys retіnde jańa smartfon syılady.
“Qazіrgі ýaqytta turǵyndar polıtsııaǵa, qoǵamdyq tártіptі qamtamasyz etýde ǵana emes, qylmyskerlerdі іzdestіrýde de kómektesetіn jaǵdaılar jıі kezdesedі. Qaısar jіgіtke batyl áreketі úshіn alǵys aıtamyz. Degenmen, mundaı jaǵdaılarda óz densaýlyǵyńyzǵa zııan tııýі múmkіn ekenіn umytpańyz”, – dedі Shymkent qalalyq polıtsııa departamentіnіń resmı ókіlі Baǵlan Isataeva.
Lombardty tonamaq bolǵan kúdіktі qazіr ýaqytsha ustaý ızolıatorynda otyr. Al jas jіgіttіń áreketіne jelі qoldanýshylary tamsanyp, jyly lebіzderіn bіldіrdі. Olardyń paıymdaýynsha, erlіk úshіn tek kúsh ǵana emes, batyldyq pen azamattyq jaýapkershіlіk qajet.