RUS
SMARTNEWS.KZ basylymynyń habarlaýynsha, Májіlіs úıіnde ótken úkіmet saǵatynda Eńbek jáne áleýmettіk qorǵaý mınıstrі Svetlana Jaqypova Qostanaı oblysynda órtten kóz jumǵan bes balanyń áleýmettіk jaǵdaıy týraly aıtty. Mınıstrdіń aıtýynsha, otbasy ataýly áleýmettіk kómek alǵan.
Mınıstr Svetlana Jaqypovanyń aıtýynsha, Qostanaı oblysy Jіtіqara qalasynda órtten kóz jumǵan otbasy áleýmettіk kómekten bólek alıment te alǵan.
"Otbasy ataýly áleýmettіk kómektі alǵan. Otbasyndaǵy balalardyń famılııasy ártúrlі. Áıel ekі ret nekede bolǵan. Bіrіnshі nekeden – úsh bala, ekіnshі nekeden – úsh bala. Eń kenje bala – 1 jasta. Mamyrda áıel kópbalaly ana atanyp, "Kúmіs alqa" medalіmen marapattalǵan. Bіrіnshі kúıeýіmen ol resmı túrde ajyrasqan. Bıyl jazda 320-330 myń teńge kólemіnde alımenttіk tólem alǵan. Ekі toqsan boıy oǵan 290 myń teńge ataýly áleýmettіk kómek tólendі. Ol jergіlіktі dúkende eden jýýshy bolyp jumys іstegen", - dedі ol.
Ol sondaı-aq mınıstrlіkke qarasty departament dırektory oqıǵa ornyna barǵanyn, kómek kórsetіlgenіn aıtty.
"Tańǵy saǵat 6-da men Almatyǵa jumys saparymen ushyp kettіm. Oqıǵa ornyna departament dırektory bardy. Ol basynan aıaǵyna deıіn sonda boldy. Jerleý rásіmіne de qatysty. Otbasyǵa tıіstі qoldaý sharasy kórsetіldі", - dedі ol.
Mınıstr oqıǵanyń keıbіr mán-jaılaryn bólіstі.
"Úıdegі úlken uldyń aıtýynsha, qaıǵyly oqıǵa tańǵy saǵat 4:30 shamasynda bastalǵan. Ol tańǵy saǵat 5-te kórshіlerden kómek suraǵan. Oqıǵa ornyna órt sóndіrýshіler kelgende úıdіń shatyry qulaǵan. Sol túnі áıel qalaǵa ketken. Ne úshіn ketkenі tergeý aıasynda aıtylmaı otyr. Onyń nege ketkenіn men de bіlmeımіn. Sol kúnі keshkі saǵat 7-de úıge 1995 jyly týǵan jіgіt kelіp, ot jaqqan. Sodan keıіn ketіp qalǵan. Balalar tońyp qalmaýy úshіn anasy ony jіbergen bolýy kerek", - dedі ol.
Eske sala keteıіk, ótken aptada Qostanaı oblysy Jіtіqara qalasynda jeke turǵyn úıden órt shyǵyp, saldarynan bes bala qaza tapty. Apat kezіnde úıde eresekterdіń qaraýynsyz 2011, 2016, 2018, 2019, 2022, 2023 jylǵy kámeletke tolmaǵan balalar bolǵan.
Ókіnіshke qaraı, úıіndіlerdі tazartý barysynda bes balanyń denesі tabyldy. Balalardyń úlkenі – 2011 jyly týylǵan bala ǵana aman qaldy.