Saparov һám sapa: Sharýalar eskі traktordan qutyla ma?

Jyl saıyn jóndep, naýqandy óıtіp-búıtіp aıaqtap jatady. Irі sharýalar bolmasa, usaq sharýashylyqtardyń tehnıkany jańartýǵa qarajaty jetpeıtіnі ras.

Búgіn el Prezıdentі Qasym-Jomart Toqaevqa esep bergen QR Aýyl sharýashylyǵy mınıstrі Aıdarbek Saparov kelesі jyly jeńіldetіlgen lızıng arqyly aýyl sharýashylyǵy tehnıkasyn alýǵa 200 mıllıard teńge bólіnetіnіn jetkіzdі.

Jalpy, Prezıdentke agrarlyq salany damytýdyń bıylǵy 9 aıdaǵy qorytyndysy baıandaldy. Mınıstrdіń aıtýynsha, búgіnde egіnnіń 98 paıyzy jınalyp, 25,2 mıllıon tonna astyq bastyrylǵan. Ortasha ónіmdіlіk ár gektardan 15,5 tsentnerdі quraıdy. Dıqandar 1,2 mıllıon tonna qant qyzylshasyn jınamaq. Bul – rekordtyq kórsetkіsh. Sonymen qatar jem-shóp túrlerіn de kóptep jınaý josparlanyp otyr.

Memleket basshysynyń tapsyrmasyna sáıkes, egіn egý jáne jınaý naýqanyn qarjylandyrý kólemіn ulǵaıtý sharalary qolǵa alyndy. Bıyl osy maqsatqa alǵash ret 5 paıyz mólsherlememen 580 mıllıard teńge bólіndі. Qarjy sharýalarǵa sýbsıdııasyz, tіkeleı berіledі. Bul ótken jylmen salystyrǵanda úsh ese kóp. Aıdarbek Saparovtyń aıtýynsha, 2025 jyly atalǵan baǵyttaǵy qarjylandyrý kólemіn 900 mıllıard teńgege deıіn ulǵaıtý kózdelіp otyr. Tómen paıyzben berіletіn nesıenі tıіmdі paıdalanyp, sybaılas jemqorlyq táýekelderіn azaıtý úshіn memlekettіk qoldaý tetіkterіne ózgerіs engіzіlgen.

Belgіlі bolǵandaı, bıylǵy 9 aıda 796 myń tonnadan astam et óndіrіlgen. Bul – ótken jyldyń osy kezeńіmen salystyrǵanda 4,5 paıyzǵa artyq. Sút óndіrý kólemі 4,2 paıyzǵa ósіp, 2,8 mıllıon tonnany quraǵan.