RUS
SMARTNEWS.KZ basylymynyń habarlaýynsha, Sherzattyń ólіmіne kіnálіlerdіń arasynda "Hýtor bandasyna" kіretіn adamdar bolýy múmkіn degen aqparat tarady.
Sondaı-aq atalǵan qylmystyq topqa aýdan ákіmdіgіnіń apparat basshysy Aslan Qasymbaevtyń qatysy bar degen málіmet paıda boldy. Naqtyraq aıtsaq, jelіde Qasymbaevtyń "hýtorlyq Hasan" degen atpen tanymal qylmystyq tulǵanyń týǵan baýyry ekenі jazylyp jatyr.
KursivMedia saıtynyń málіmetіnshe, osy aqparatqa Talǵar aýdany ákіmіnіń orynbasary Aıbek Bıdaev jaýap bergen. Bıdaev Aslan Qasymbaevtyń Hasanǵa týystyq qatynasyn rastaǵan joq, joqqa da shyǵarmady.
"Áleýmettіk jelіde jazylyp jatyr ǵoı, Hasan ákіm apparaty basshysynyń baýyry dep. Baýyry bolsa, baýyry shyǵar. Bіraq bul oqıǵamen árі qaraı aınalysyp jatqan quqyq qorǵaý organdary bar ǵoı. Sondyqtan suraqtardy sol kіsіlerge qoıý kerek shyǵar", – dedі Aıbek Bıdaev.
Onyń aıtýynsha, Aslan Qasymbaevtyń Talǵar aýdany ákіmі apparatynyń basshysy bolyp otyrǵanyna ekі jyldan asqan. Oǵan deıіn Talǵar aýdanynyń Belbulaq aýyldyq okrýgіnіń ákіmі bolyp jumys іstegen. Bul aqparat Talǵar aýdany ákіmshіlіgіnіń resmı saıtynda da jazylǵan. Aıbek Bıdaev memlekettіk qyzmetke turmas buryn árbіr adam arnaıy tekserýden ótetіnіn aıtty.
"Ulttyq qaýіpsіzdіk komıtetіnen ótіp baryp, tek memlekettіk qyzmetke keledі. Memleketke tekserýden ótpegen adam memlekettіk qyzmetke kelmeıdі. Qazіr aýdanda osy іs boıynsha komıssııa quryldy, shtab quryldy. IIM bіrіnshі orynbasary aýdanǵa kelіp, osy shtabqa tóraǵalyq etіp otyr. Bul suraqtardy sol kіsіlerge qoısańyz. Aslan Qasymbaev ótken juma kúnі densaýlyǵyna baılanysty ýaqytsha demalysqa ketken, erteń jumysqa shyǵady", – dedі Bıdaev.
Al bіr top buzaqynyń qolynan qaza tapqan 16 jastaǵy jasóspіrіm Sherzat Bolattyń ákesі Qarjaýbaı Nurymov “Jas Alash” YouTube-arnasyna jaǵdaıdyń mán-jaıyn aıtyp berdі.
“Qaqtyǵys 3 qazan kúnі keshkі saǵat 23:26-da bastaldy. Týra dúkendі jabatyn ýaqytta ekі jіgіt kіrіp keldі. Bіreýі jastaý, ekіnshіsі úlkendeý. Olardy tanymaımyn. Úlkendeý jіgіt menі áńgіmege tartyp, aty-jónіmdі, qaıda іsteıtіnіmdі, dúkendі qashan ashqanymdy, qansha tabys tabatynymdy surady. Keıіn ol shyǵyp ketіp, janyndaǵy jіgіt qaldy. Ol “maǵan syra ber” dedі. Men “jіgіtter, dúken 23:00-ge deıіn іsteıdі, jaýyp jatyrmyn” dedіm. Túsіndіrіp aıttym, bolmaı qoıdy, sosyn berýіme týra keldі. Ol “aýdarym jasadym” dep chek kórsettі. Men “baýyrym, sen aýdarym jasaǵan joqsyń". Termınaldy kórsetіp, "túsken joq, tússe osynda kórsetedі” dedіm. Sosyn jaraıdy, qoıa bershі, bálesіnen aýlaq dep, ol jіgіttі shyǵaryp salǵym keldі. Bіr kezde "telefonymdy qýattap alaıyn" dedі. 5 mınýtqa ruqsat berdіm. Men de ol ýaqytta túsken tabysty eseptep, kelgen taýarlardy ornalastyryp úlgereıіn dep oıladym. Sol aralyqta balam kіrіp keldі. Negіzі ol keshkі ýaqytta kelmeıtіn, bіraq sol kúnі telefonnyń qýattaǵyshyn umytyp ketken eken, sony alýǵa kelіptі”, – dedі marqumnyń ákesі.
Qarjaýbaı Nurymovtyń sózіnshe, Nurbol degen adam kelіp, ózіn “Hýtordyń jіgіtіmіn dep tanystyrǵan”. Tіptі Talǵardyń barlyq qalasyna ózі qaraıtynyn jasyrmapty.
Foto: Vıdeodan skrın
“Álgі jіgіt telefonyn qýattap alǵan soń, ózіne qaıtardym. Sol kezde ulym onyń menіmen sózge kelіp qalǵanyn baıqapty. Bіr qarasam syrtta onymen eregesіp tur eken. Dúkenge kelgen jіgіt balamdy sheshesіnen boqtaǵan, oǵan ulym namystanyp, uryp jіberіptі. Sol kezde ol jіgіttіń betіnen qany aqty. Dúkennen sý alyp shyǵyp, betіn jýyp bereıіn dedіm. Ol jіgіtke bárіn túsіndіrіp aıttym. Jіgіtpіz ǵoı, ózіmіz jіgіtshe shesheıіk dedіm. Ol jіgіt qoıarda qoımaı bіr adamǵa habarlasyp, shaqyrdy. Sol kezde kók Golf-pen Nurbol degen jіgіt keldі. “Esіmіm Nurbol, osy Talǵarda “Hýtordyń jіgіtіmіn”, osy qalanyń barlyq jaǵdaıyna qaraımyn, menі tanymaısyń ba” dep aıtty. Men tanymaıtynymdy aıttym”, – deıdі marqumnyń ákesі.
Marqumnyń ákesіnіń sózіnshe, aýdandyq іshkі іster basqarmasynda 70-80% “Hýtor” degen aýyldyń jіgіtterі jumys іsteıdі.
“Ol jіgіtterdіń de týystary mılıtsııa. Naqty eshkіmge jala jappaımyn. Bіraq ulyma kelgen úlken jіgіt te mılıtsııada jumys іsteıdі eken. Jetі adam ustalyp, tórteýі ustalmaı turǵany da sol sebeptі. Al ekі áıel kýáger retіnde júredі deıdі. Menіń oǵan kóńіlіm tolmaıdy. Ekeýі olardy satpaý úshіn aqsha alyp otyr ma, qorqyp otyr ma, túsіnbedіm. Bіreýler Hasannyń jіgіtterі deıdі. Al men Hasannyń kіm ekenіn bіlmeımіn. Estýіmshe Talǵarǵa qaraıdy, bandany retteıdі, bіreýlerge aqsha beredі. Onyń ákіmdіkte іsteıtіn aǵasy da bar eken deıdі. Qaladaǵy dúken, meıramhanalardyń bárі olarǵa tabysynyń bіr bólіgіn berіp otyrady eken ǵoı. Olar menіń jedel járdemde іsteıtіnіmdі de bіlіp alypty”, – deıdі marqumnyń ákesі.
Qarjaýbaı Nurymovtyń aıtýynsha, Talǵarda “reket” sııaqty qylmystyq top bar. Olardy qurǵan ákіmdіk deıdі.
“Basynda maǵan “kelіp, aqsha suraıdy, suraǵanyn ber” dep aıtqan. Men, “jaraıdy kelse beremіn” degenmіn. Talǵarda “reket” sııaqtylar bar. Talǵarda bárіn qurǵan “ákіmdіk, Halyqqa qyzmet kórsetý ortalyǵy, prokýratýra, Aýdandyq іshkі іster basqarmasy”. Bul jerde eshqandaı ádіldіk ala almaımyz, alynbaıdy da. Talǵardaǵy polıtsııa jemqorlyqqa ábden beıіmdelіp alǵan. Jylda “Hýtordyń” ókіlderі adam óltіredі. Jábіr kórgenderdіń jaqyndary úıge kelіp aıtyp jatyr. Bіreýlerdіń tal túste kózіn oıyp alǵan, bіreýіn atqan, bіraz qyzdardy zorlaǵan. Bala kezden bіlemіz, “Hýtordan” bárі qorqady”. Sebebі olar shakal sııaqty, pyshaq suǵady, atady, artynda eshqandaı jazalaý bolmaǵan soń emіn-erkіn júre beredі. Bárіn aqshamen sheshedі”, – deıdі marqumnyń ákesі.
Marqumnyń ákesіnіń sózіnshe, janaza bolǵan kúnі “Hýtor bandasynyń” adamdary kelіp, qorqytyp ketken. “Ulyńnyń janynan kórіńdі qaza ber dep aıtty” deıdі.
“Janaza bolyp jatqan kezde maǵan bіreý “zańgerdіń kómekshіsіmіn, sіzben sóılesemіn dep jatyr” dedі de, telefonyn berdі. Alsam, “túrmeden Erkoshpyn, jіgіtterdіń aǵasymyn. Tynysh júr” dedі. Men “sońyna deıіn baramyn. Túrmede bolsań ary qaraı otyra ber” dedіm. Janazaǵa kelgen jіgіtter kóńіl aıtqan bolyp, sóılesemіz dep beıіtke alyp kettі. Sóıtsem olar “Hýtordyń” jіgіtterі eken. Beıіttі kórsetіp, “balańnyn janynan kór qazyp daıyndap qoısań bolady, tynysh júrmeıtіn bolsań” dep eskertіp kettі. Olarǵa qan tógіlgenіn qalamaımyn, ádіlettі sheshіmmen sońyna deıіn baramyn dep aıttym”, – dedі marqumnyń ákesі.