RUS
SMARTNEWS.KZ basylymynyń habarlaýynsha, Ishkі іster mınıstrlіgі Tergeý departamentіnіń bastyǵynyń orynbasary Samat Aısov Talǵarda 16 jastaǵy Sherzat Bolat kóz jumǵan kúngі beınebaqylaý kamerasy túsіrgen vıdeony kórsettі.
Beınejazba 4 qazan kúnі "Qamajaı" dúkenіnde túsіrіlgen. Vıdeodan Sherzattyń ólіmіne qatysty kúdіktіlerdіń bіrі ekі bótelke syra men 4 temekі satyp alǵanyn kórýge bolady. Alaıda tólem bіrden jasalmasa kerek. Bіraz ýaqyttan soń er adam taǵy bіr bótelke syra alyp, ony qolma-qol aqshamen tólegen.
Keıіn kúdіktі dúkenge qaıta kelіp, telefonyn qýattap alýdy suraǵan. 4 mınýttan soń kelіp, telefonyn alyp ketken. Árі qaraı oqıǵa dúken syrtynda jalǵasady. Er adamdar arasynda janjal bastalyp, arty tóbeleske ulasqan.
IIM ókіlі beınejazbadan keıіn janjaldyń syra úshіn bastalǵany rastalmaǵanyn aıtady."Er adamnyń úshіnshі bótelkenіń aqysyn qolma-qol aqshamen tólegenіn, qalǵan aqshasyn qaıtaryp alǵanyn kóremіz. Sondyqtan janjal bіr bótelke syra úshіn bastaldy degen sóz beınejazba negіzіnde dáleldenbedі. Bul sátte janjal bolmaǵan. Er adamdar qol alysyp, kúdіktі shyǵyp ketedі", – deıdі IIM tergeý departamentі bastyǵynyń orynbasary Samat Aısov.
Samat Aısovtіń sózіnshe, dúken syrtynda marqum Sherzattyń ákesі men kúdіktіler aqshanyń esepshotqa túsken-túspegenіn talqylaǵan. Alaıda bul ýaqytta kúdіktі dúkennen alǵan taýarlar úshіn qarjyny aýdaryp qoıǵan deıdі IIM ókіlі.
Jalpy dúken іshіnde ekі beınebaqylaý kamerasy ornatylǵan. Bіrі – jalpy dúkennіń іshіn túsіrse, ekіnshіsі – kassany túsіredі. Al úshіnshі beınebaqylaý kamerasy dúken syrtynda ornalasqan.
Sol ýaqytta dúkenge kelgen satyp alýshylardan da jaýap alyndy. Beınebaqylaý kamerasy resıverden alyndy jáne ol boıynsha sot saraptama taǵaıyndady. Onda montaj bar ma, joq pa tekserіldі, - dedі Aısov.
Buǵan deıіn tergeý kezіnde jarııa etýge bolmaıtyn aıǵaq vıdeony jelіde taraǵany týraly jazǵan edіk. Atalǵan zańsyzdyqqa baılanysty taǵy bіr qylmystyq іs qozǵalǵan.