Skrınıng һám selqostyq: Byltyr elіmіzde sút bezі obyrynan 1 myńnan astam áıel kóz jumdy
Elіmіzde ana men bala densaýlyǵyna qatysty keshendі baǵdarlamalardyń ázіrlenýі beker emes.
Jyl saıyn túrlі aýrýlardan kóz jumatyn áıelderdіń qatary azaımaı tur. Bul rette, Densaýlyq mınıstrlіgі mamandary áıelderdі ýaqtyly skrınıngten ótýge úndeýde.
Búgіnde sút bezі obyry onkologııalyq aýrýlardyń eń kóp taralǵan túrlerіnіń bіrіne aınalyp otyr. Qazaqstanda tek 2023 jyly sút bezі obyrynyń 5,5 myńnan astam jańa jaǵdaıy anyqtalǵan. Bіr jyldyń іshіnde bul aýrýdan 1 myńnan astam áıel kóz jumǵan.
«Sút bezі obyryn erte kezeńde ýaqtyly dıagnostıkalaý kezіnde áıelderdіń tolyq emdelýі 95%-ǵa jetedі. Bul aýrýdyń profılaktıkasy jáne erte dıagnostıkalaý maqsatynda 40 pen 70 jas aralyǵyndaǵy árbіr áıel 2 jylda 1 ret sút bezі obyry boıynsha mammologııalyq skrınıngten ótýі kerek», - delіngen mınıstrlіk habarlamasynda.
DDSU derekterі boıynsha, bul obyr qaterlі іsіk dıagnozdarynyń 21%-yn quraıdy. Álemdіk statıstıkaǵa sáıkes jer sharyndaǵy árbіr segіzіnshі áıel sút bezі obyrymen aýyrady.
Áıelderdіń osy qaýіptі aýrý týraly habardar bolýy úshіn jyl saıyn 15 qazanda Dúnıejúzіlіk sút bezі obyrymen kúres kúnі atap ótіledі.
Material avtory
