«Sen frantsýzsha sóılep tursyń ba?»: Mınıstr Cherchesovtyń qazaq tіlіne ázіldegenі úshіn federatsııadan túsіnіkteme talap ettі
Fýtboldan Qazaqstan quramasynyń bapkerі Stanıslav Cherchesov Slovenııaǵa qarsy oıynnan keıіngі baspasóz máslıhatynda ózіne qazaq tіlіnde suraq qoıǵan tіlshіnі kelemejdegen edі. Týrızm jáne sport mınıstrlіgі Qazaqstan fýtbol federatsııasynan bolǵan oqıǵaǵa qatysty túsіnіkteme berýіn talap ettі.
SMARTNEWS.KZ basylymynyń habarlaýynsha, Ulttyq qurama bapkerі Stanıslav Cherchesovtіń qazaqsha suraq qoıǵan jýrnalıske "Sen qazіr frantsýzsha sóılep tursyń ba” deýі halyqtyń narazylyǵyn týdyrdy.
Týrızm mınıstrlіgі fýtbol federatsııasyna resmı saýal joldady. Hatta Konstıtýtsııa men "Tіlder týraly" zańda qazaq tіlіnіń erekshe mártebege ıe ekendіgі jáne ony barsha azamattar qurmetteýge mіndettі ekenі aıtylǵan.
"Mınıstrlіk ulttyq quramanyń bas bapkerіmen memlekettіk tіldі qurmetteý qajettіlіgіne qatysty túsіndіrý jumystaryn júrgіzýdі talap ettі. Qazaqstan fýtbol federatsııasy vedomstvolyq baǵynysty uıym emes, onyń іshkі máselelerіne aralasa almaımyz. Degenmen, mınıstrlіk elіmіzdіń sport saıasatyn júzege asyrý jónіndegі ýákіlettі organ retіnde qajettі túsіnіktemelerdі suraýǵa quqyly", – delіngen vedomstvo habarlamasynda.
Material avtory
