RUS
«Búgіnde Májіlіste qaralyp jatqan zań jobasy aıasynda bul másele talqylanyp jatyr. Qazіr bіz іshkі іster organdaryn da, prokýrorlardy da «Nege myna aqparatty bermeısіń?», «Nege myna málіmettі tolyq ashpaısyń?», - dep aıyptaı almaımyz. Óıtkenі qoldanystaǵy 201-bap olarǵa kedergі. Al endі bіzdegі zań uzaq qaralady ǵoı. Ol endі shamamen, jobamen kelesі jyldary shyǵady. Bіraz protsedýrasy bar. Negіzі ol másele aktýaldy. Talǵar oqıǵasy aıasynda da ol máselenі aıttym. 201-bapty bіz qaıta qaraýymyz kerek», - dedі Abzal Quspan.
Depýtat ozyq elderdіń tájіrıbesіnde Qazaqstandaǵydaı qatań shekteý joq ekenіn aıtady.
«Árıne, otbasy qupııasyna baılanysty bolmasa jynystyq sıpattaǵy qylmystar bar. Olardy ashýǵa bolmaıdy. Memlekettі qupııasy bar іster bolady. Mіne, sondaı shekteýlerdі qaldyryp, qalǵan іster aqparatty ashyq bergen durys. Óıtkenі, bіrіnshіden, qoǵamnyń talaby osyndaı bolyp tur. Ekіnshіden, bіz basqa damyǵan batys elderіnіń, Amerıkanyń tájіrıbesіn kórіp otyrmyz. Ol jerde osyndaı bіr rezonansty іster bolsa, polıtsııa kóp jaǵdaıda qyzmetі el aldyna shyǵyp, oqıǵanyń mán-jaıyn jýrnalısterge aıtady. Ashyqtyq degen nárse bar. Al bіzde keńes úkіmetіnіń kezіnen qalyp qoıǵan moraldіk turǵyda bіr eskіrgen norma jumys іstep keledі», - dedі ol.