RUS
QR Sybaılas jemqorlyqqa qarsy іs-qımyl agenttіgі Aqtóbe oblysy boıynsha departamentі Jemqorlyq táýekelderі kartasyn jasady. Onda áleýmettіk zertteýler, aryzdar, qylmystyq іster men quqyqtyq statıstıkaǵa taldaý jasaldy.
«Sport salasyndaǵy preventıvtіk sharalar nátıjesіnde «Aqtóbe» fýtbol klýbynyń burynǵy basqarma tóraǵasy Jamantaevqa 40 mln teńge somasyndaǵy zańsyz syılyqaqy berý faktіsі anyqtaldy. Ol klýbta qyzmet atqarǵan ýaqytynda dırektorlarkeńesіnіń kelіsіmіnsіz demeýshіlіk qarajat esebіnen ózіne 40 mln 400 myń teńge aýdarǵan. Oblys ákіmdіgі sottyń májbúrleý tártіbіmen atalǵan somany Jamantaevtan kerі óndіrіp aldy. Sondaı-aq, bul qarajatty óńіrdegі balalar fýtbolyn damytýǵa baǵyttaý usynyldy»,- dedі QR Sybaılas jemqorlyqqa qarsy іs-qımyl agenttіgі Aqtóbe oblysyboıynsha departamentіnіń basshysy Esqalı Salamatov.
Onyń aıtýynsha, jemqorlyq derekterі Aqtóbe oblystyq dene shynyqtyrý jáne sport basqarmasyna qarasty mekemelerde de anyqtaldy.
«Ulttyq sport túrlerі jónіndegі mekteptіń bas esepshіsі 3,3 mln teńge somasyndaǵy bıýdjet qarajatyn jymqyryp, Qylmystyq kodekstіń 189 babyna sáıkes іs qozǵalǵan bolatyn. Qazіrgі ýaqytta qarajat tolyǵymen bıýdjetke qaıtaryldy, al jaýapty tulǵa 2 jylǵa bas bostandyǵyn shekteý jazasyna kesіldі. Sonymen bіrge 10 dırektor men bapker jalǵan dıplommen jumys іstegen. Olardyń bárі jumystan shyǵaryldy»,- dedі Esqalı Salamatov.