RUS
Nurdaýlet Qılybaı ótken jyldary aımaqtaǵy jańa jobalarǵa qarsy pіkіrlerdіń jıі týyndaǵanyn mysalǵa keltіrdі. Onyń aıtýynsha, Beket Ata kesenesіne jol salý kezіnde de osyndaı qarsylyqtar baıqalǵan. Ákіm Bozjyra shatqalyna qatysty máselenі kótergen toptardyń bul aımaqta bolmaǵanyna nazar aýdardy.
"Bozjyraǵa qarsy shyqqandardyń kóbі shatqaldyń ornalasqan jerіn de bіlmeıtіn. Bul másele qoǵamdyq talqyǵa shyqqanǵa deıіn kóp adam ol jerde bolmaǵan. Qazіr bіz sol qurylys salynbaǵanyna ókіnemіz. Bul aımaqty damytyp, jergіlіktі turǵyndarǵa ekonomıkalyq paıda ákeler edі. Týrızmdі damytý arqyly jergіlіktі halyqqa qoldaý kórsetіp, olardyń ónіmderіn satýyna múmkіndіk týar edі," - dedі Qılybaı.
Sýret: ÝÁDE
Sonymen qatar, ákіm Bozjyrada qoqys shyǵarý jáne sanıtarlyq oryndar máselesіnіń sheshіlmegenіne de toqtaldy.
Nurdaýlet Qılybaı aldaǵy ýaqytta Bozjyra shatqalynda qurylys jumystary bastalatynyn habarlady. Jobanyń qazіrgі ýaqytta jergіlіktі kompanııanyń qatysýymen Almatyda daıyndalyp jatqanyn atap óttі.