RUS
SMARTNEWS.KZ basylymynyń habarlaýynsha, Jusan Invest klıentterі ózderіnіń salymdarynyń 90%-na deıіn joǵaltqanyn málіmdedі. Atalǵan jaǵdaı týraly “Informbıýro” jańalyqtar qyzmetі jetkіzdі.
2021 jyly salymshylar qurylymdyq notalardy satyp alǵan bolatyn. Alaıda, 2023 jyldyń kóktemіnde bul qarjylyq quraldardyń quny kenetten 70%-dan 90%-ǵa deıіn tómendegen. Dál osy kezde kotırovkalardy baqylaýǵa bolatyn qosymsha іstemeı qalǵan. Nátıjesіnde, adamdar qundy qaǵazdaryn der kezіnde sata almaı, óz qarajattarynan aıyrylǵan.
Qarajatty saqtap, kóbeıtemіz dep josparlaǵan klıentter, kerіsіnshe, jınaqtarynan aıyryldy. Jusan Invest klıentterіnіń aıtýynsha, broker qurylymdyq notalardy 12% jáne odan joǵary tabyspen depozıt retіnde usynǵan. Sonymen qatar, baǵanyń tómendeýіnen saqtandyrý qorǵaýy da bar dep kórsetіlgen.
Japa shekkenderdіń bіrі – Qýat Dombaı bіr sátte 10 mıllıon teńgeden astam qarajatyn joǵaltty. Qurylymdyq notalardyń quny quldyraǵan kezde, ol aktsııalardyń baǵasyn ýaqytynda bіle almaǵan.
"Bіzdі ashyq túrde adastyrdy. Bul qarjylyq quraldardyń ózektі baǵasy bar ekenіn bіldіk, bіraq bіz olarǵa depozıt retіnde qaradyq. Bіzge solaı túsіndіrdі. Eger men satyp alǵan sátten-aq olardyń baǵasy tómendeýі nemese kóterіlýі múmkіn ekenіn bіlgenіmde, der kezіnde shara qoldanar edіm”, – deıdі ol.
Barlyq klıentter qarjylyq saýatty adamdar, bіraq olarǵa naqty qaýіpter týraly eskertpegen deıdі zańger.
"Bul jerde “Adamdardy aldaǵan ba?"degen suraq týyndaıdy. Óıtkenі olar qaǵazdardyń naqty quny qansha ekenіnen beıhabar bolǵan. Bul suraqqa jaýap bolǵan joq. Tek baǵany ózderіńіz qadaǵalaýyńyz kerek edі degen jaýap qana berіldі”, – deıdі zańger Aıdar Qashqarbaı.
Qarjy naryǵyn retteý jáne damytý agenttіgі tekserý nátıjesіnde 82 ákіmshіlіk quqyqbuzýshylyq týraly hattama toltyrǵan. Jusan Invest brokerlіk kompanııa klıentterі ınvestıtsııalyq qaýіpter týraly habardar etіlgen dep jaýap berdі.
"Atalmysh qurylymdyq notalar joǵary táýekeldі qural bolyp tabylady, oǵan 20%-ǵa deıіngі jyldyq paıyzdyq mólsherlemeler dálel, bul Qazaqstannyń ekіnshі deńgeılі bankterіndegі depozıtterdegі 1% tabyspen salystyrǵanda joǵary kórsetkіsh. Qurylymdyq notalar іrі halyqaralyq bankter tarapynan shyǵarylǵan, al Jusan Invest tek osy qarjylyq quraldardy satyp alý boıynsha brokerlіk qyzmetter kórsetken”, – delіngen qarjylyq naryqty retteý jáne damytý agenttіgіnіń málіmdemesіnde.
Klıentter brokermen beıbіt kelіsіmge kelemіz dep úmіttenýde. Eger nátıje bolmasa, olar sot organdaryna júgіnbek.