Dekrettіk tólem: ýaqytsha jeke kásіpker analar azaımaı tur

QR Sybaılas jemqorlyqqa qarsy іs-qımyl agenttіgі ShQO boıynsha departamentіnіń málіmetіne súıensek, bala kútіp júrgen keıbіr shyǵysqazaqstandyq áıelder dekrettіk tólem mólsherіn arttyrý úshіn jeke kásіpker retіnde tіrkelgen. Al bosanǵannan keıіn bіrden kásіbіn jaýyp tastaǵan.

Máselen, Óskemen qalasynyń turǵyny shashtaraz qyzmetіn kórsetemіn dep kásіbіn tіrkegen. Sóıtіp, áleýmettіk aýdarymdardy kóbeıtіp, 2 mln teńgege jýyq dekrettіk tólem aldy. Al bala týǵannan bіr aı ótken soń kásіbіn japty.

«Tólem alýdyń osyndaı mehanızmіn oblys boıynsha 780 áıel іske asyrdy. Olarjeke kásіpker retіnde 1-den 5 aıǵa deıіn ǵana tіrkelіp turǵan. Bul faktіlerden bіz belgіlіbіr sybaılas jemqorlyq táýekelderіn kórіp otyrmyz. Óıtkenі jeke kásіpkerler óz jumysyn bіrden toqtatyp jatyr. Sondyqtan osy máselenі zań sheńberіne sáıkes qaraý kerek», - dedі departament basshysy Denıs Shakenov.