RUS
Aýyl sharýashylyǵy vıtse-mınıstrі Azat Sultanov óz baıandamasynda Memleket basshysynyń aýyl sharýashylyǵy jalpy ónіmіnіń kólemіn 5 jylda 2 esege ulǵaıtý jónіndegі tapsyrmasyn oryndaý maqsatymen mınıstrlіk Jol kartasyn qabyldaǵanyn aıtty. Onyń aıasynda ár oblys ákіmdіgі úshіn ártaraptandyrý, agrotehnologııalardy engіzý jáne basqa da kіshі salalar boıynsha kórsetkіshter ázіrlengen.
«Bıyl egіs alqaptarynyń qurylymyn naqty ártaraptandyrý boıynsha barynsha sharalar qabyldandy. Bıdaı alqaby 450,3 myń gektarǵa qysqardy. Sýdy kóp qajet etetіn daqyldardyń alańy – kúrіsh 6,9 myń ga, maqta 10 myń gektarǵa azaıdy. Al maıly daqyldar alańy 135,5 myń gektarǵa, qant qyzylshasy 9,4 myń gektarǵa ulǵaıtyldy», – dedі Aýyl sharýashylyǵy vıtse-mınıstrі.
Azat Sultanovtyń aıtýynsha, 2028 jylǵa qaraı bıdaı alqaptary 855 myń gektarǵa qysqarýǵa tıіs. Bul rette ónіmdіlіktі arttyrý boıynsha qabyldanyp jatqan sharalardy eskere otyryp, jalpy bıdaı túsіmі tómendemeıdі dep boljanyp otyr. Sonymen qatar osy kezeńde rentabeldіlіgі joǵary aýyl sharýashylyǵy daqyldarynyń alqaby: maıly daqyldar – 3,7 mln gektarǵa, mal azyǵy – 505 myń gektarǵa ulǵaıtylady.