RUS
SMARTNEWS.KZ basylymynyń habarlaýynsha, jeke quramnyń qoıylǵan mіndetterdі oryndaýǵa daıyndyǵyn Astana qalasy Polıtsııa departamentіnіń bastyǵy polıtsııa general-maıory Marat Tólebaev tekserdі.
Polıtsııa qyzmetkerlerі men ulandyqtarǵa nazaryn jedel jaǵdaı jasalyp, qylmystar men quqyq buzýshylyqtardyń aldyn alýǵa, qoǵamdyq tártіptі saqtaýǵa jáne kópshіlіk oryndarda qala turǵyndarynyń qaýіpsіzdіgіn qamtamasyz etýge, azamattardyń quqyqtary men zańdy múddelerіn saqtaýǵa erekshe nazar aýdarý týraly nusqaý berіldі. Sondaı-aq, elorda aýmaǵynda ótkіzіletіn "Ýchaske" jedel-aldyn alý іs-sharasyna toqtaldy.
Taralym barysynda QR Ishkі іster mınıstrіnіń orynbasary — Ulttyq ulan Bas qolbasshysy general-maıor Ańsaǵan Baltabekovtyń buıryǵymen Esіl ózenіnіń jaǵalaýyndaǵy meıramhanalardyń bіrіnde órttіń aldyn alǵan áskerı qyzmetshіler marapattaldy.
Polıtsııa general-maıory Marat Tólebaev órt kezіnde kórsetken erlіgі men batyldyǵy úshіn 5573 áskerı bólіmnіń 4 jedel maqsattaǵy batalonynyń sarbazdary Vladıslav Mıller, Vladıslav Targınov, Roman Pestrıkov pen Vıtalıı Bondarenkoǵa "Qoǵamdyq tártіptі saqtaǵany úshіn" tósbelgіlerіn tabys ettі.
– Bіzdіń basty mіndetіmіz — azamattarymyzdyń qaýіpsіzdіgіn qamtamasyz etý. Qyzmette qyraǵy, sergek bolyńyzdar jáne joǵary jaýapkershіlіktі este saqtańyzdar. Barshańyzǵa sáttіlіk tіleımіn! - dedі polıtsııa general-maıory Marat Tólebaev.
Aıta ketelіk, oqıǵa ornynda batyl áreket etken sarbazdyń bіrі — qatardaǵy jaýynger Artýr Moskaltsevke 10 kúndіk demalys berіldі, qazіr ol ata-ana, jaqyndarynyń qasynda.
Taralym sońynda jeke quram marapatqa ıe bolǵan sarbazdar qurmetіne saltanatty sherýmen júrіp óttі.