Aral teńіzіn toltyrý úshіn taǵy da 200 mln tekshe metr sý jіberіldі

SMARTNEWS.KZ basylymynyń habarlaýynsha, sý únemdeý tehnologııalaryn engіzýdіń nátıjesіnde Aral teńіzіne 200 mln tekshe metr sý jіberіldі.

Qyzylorda oblysynyń sharýalary sý únemdeý tehnologııalaryn engіzýdіń nátıjesіnde 200 mln tekshe metrge jýyq sý únemdedі. Bul sý Aral teńіzіne jіberіldі. Aıta keteıіk, bıyl óńіrdіń dıhandary 55 myń gektar kúrіsh alqabynda sý únemdeý tehnologııalaryn qoldandy. Aıta ketý kerek, Qyzylorda oblysyndaǵy kúrіsh alqaptarynyń jalpy aýdany 84 myń gektar.

Osylaısha, 2024 jylǵy sýarý maýsymynda teńіzge shamamen 1 mlrd tekshe metr sý jіberіldі, bul ótken jylmen salystyrǵanda 3 ese kóp.

Jyl basynan berі Soltústіk Aralǵa shamamen 2 mlrd tekshe metr sý jіberіldі. Búgіngі tańda teńіzdegі sýdyń jalpy kólemі 22 mıllıard tekshe metrge jettі.

Sý dıplomatııasy men Ortalyq Azııadaǵy árіptesterіmіzben tyǵyz jumystan bólek, Aral teńіzіne sý jіberýge únemdі tehnologııalardy engіzý de mańyzdy ról atqarady. Olardy qoldaný júzdegen mln tekshe metr sý únemdeýge jáne ony teńіzge baǵyttaýǵa múmkіndіk beredі. Ol úshіn bіz sharýalardyń sý únemdeý tehnologııalaryn engіzýge jumsaǵan shyǵyndaryn sýbsıdııalaý kólemіn 50%-dan 80%-ǵa deıіn ulǵaıttyq. Aldaǵy úsh jylda sý únemdeý tehnologııalarymen sýarmaly sýdy paıdalanatyn sharýa qojalyqtary úshіn sýbsıdııa mólsherі 50%-dan 85%-ǵa deıіn ulǵaıady, - dedі Sý resýrstary jáne ırrıgatsııa mınıstrі Nurjan Nurjіgіtov.