RUS
SMARTNEWS.KZ basylymynyń habarlaýynsha, atalǵan іs-shara erekshe mańyzǵa ıe, óıtkenі osyndaı aýqymdy formattaǵy forým alǵash ret Ortalyq Azııa elіnde ótkіzіlýde.
Forýmǵa 16-dan astam eldіń sarapshylary men praktıkterі, sondaı-aq memlekettіk organdardyń ókіlderі qatysty. Qatysýshylar «E-Apostıl» baǵdarlamasyn engіzý men paıdalanýdyń ózektі máselelerіn talqylap, tájіrıbelerіmen bólіstі jáne júıenі odan árі jetіldіrý úshіn bіrlesken usynystar ázіrledі.
«Bul 2019 jyldan berі, Brazılııanyń Fortalezasynda ótken 11-shі e-APP forýmynan keıіngі alǵashqy ashyq formattaǵy kezdesý. Sondyqtan tolyq formatqa oralý jáne 300-den astam qatysýshynyń, sonyń іshіnde 70 kelіssóz júrgіzýshі taraptary men Konventsııaǵa qatysýshy emes úsh memlekettіń ókіlderіn kórý erekshe qýantady»,- dep atap óttі Halyqaralyq jeke quqyq jónіndegі Gaaga konferentsııasynyń Bas hatshysy Krıstof Bernaskonı.
QR Ádіlet mınıstrі Azamat Esqaraev forýmnyń mańyzdylyǵyn atap óttі:
«Elektrondyq apostıl — halyqaralyq qujat aınalymyn jeńіldetý, ashyqtyq pen qaýіpsіzdіktі arttyrý jolyndaǵy mańyzdy qadam».
Maqsut Narikbayev University Provosty Sergeı Pennіń aıtýynsha:
«Bіzdіń ýnıversıtet 2019 jyldan bastap Halyqaralyq jeke quqyq boıynsha Gaaga konferentsııasymen serіktestіk qurmetіne ıe boldy. Sondaı-aq, bіz Ortalyq Azııada Gaaga konferentsııasynyń ókіlі retіnde qyzmet etetіn Antenna retіnde jumys atqaratynymyzdy daatap ótý mańyzdy. Osy rólіmіz arqyly bіz Gaaga konferentsııasyna múshelіkke qosylýdy belsendі túrde nasıhattap, onyń konventsııalaryn búkіl aımaq boıynsha ratıfıkatsııalaýdy yntalandyramyz»,- dedі ol.
Qazaqstanda atalmysh forýmdy ótkіzý – eldіń apostılızatsııa protsesterіn tsıfrlandyrý salasyndaǵy kóshbasshylyq ornyn atap kórsetedі. Mundaı forýmdar buǵan deıіn Amerıkada, Eýropada jáne Azııada óttі, endі Qazaqstan halyqaralyq deńgeıde apostılızatsııanyń tsıfrlandyrý máselelerіn talqylaıtyn negіzgі ortalyqqa aınaldy.