RUS
«Memleket basshysynyń tapsyrmasy boıynsha bıyl kóktemgі egіs jáne kúzgі jıyn-terіn jumystaryn ýaqytyly jáne sapaly júrgіzý úshіn qajettі sharalardyń barlyǵy qabyldandy. Atap aıtqanda, aýyl sharýashylyǵy salasyn qarjylandyrý kólemі alǵash ret rekordtyq 580 mlrd teńgege deıіn jettі. Bıýdjet qarajaty egіnshіlerdі tіkeleı nesıelendіrýge, paıyzdyq mólsherlemenі arzandatýǵa jáne forvardtyq satyp alýǵa baǵyttaldy. Kelesі jyly qarjylandyrý kólemіn 700 mlrd teńgege deıіn jetkіzýdі josparlap otyrmyz», - dedі Oljas Bektenov Úkіmet otyrysynda.
Premer-mınıstrdіń málіmdeýіnshe, bıyl aýyl sharýashylyǵy tehnıkasyn lızıngpen satyp alýǵa 120 mlrd teńge quıyldy.
«Aldaǵy jyly bul kórsetkіshtі 200 mlrd teńgege deıіn jetkіzý josparda bar. Sondaı-aq, dıqandar tuqymmen, jeńіldіktі otyn jáne tyńaıtqyshtardyń jetkіlіktі kólemіmen qamtamasyz etіldі. Endіgі basty mіndet – jınalǵan ónіmdі saqtaý men ótkіzý. Aýyl sharýashylyǵy mınıstrlіgі oblys ákіmdіkterіmen bіrlesіp, jınalǵan astyqty tókpeı-shashpaı der kezіnde tasymaldaýdy, ony keptіrіp, elevatorlarǵa jetkіzýdі qamtamasyz etýі qajet», - deıdі ol.
Sondaı-aq, Oljas Bektenov astyq qabyldaý kásіporyndary táýlіk boıy jumys rejımіne kóshý kerektіgіn aıtty.