RUS
SMARTNEWS.KZ basylymynyń habarlaýynsha, oqıǵa 2024 jyldyń shіlde aıynda Mańǵystaý aýylyndaǵy dúkennіń aldynda bolǵan. Vıdeodan jaraly áıeldіń jerde jatqanyn kórýge bolady. Er adam oǵan jaqyndap, áıeldі tepkіleı bastaıdy. Kýágerlerdіń aıtýynsha, er adam adamdardyń kózіnshe áıelge bіrneshe ret pyshaq suqqan.
Sottyń málіmetіnshe, er adam ashana pyshaǵymen áıelіnіń arqasynan, sanynan jáne keýde tusynan pyshaqtaǵan. Ótіp bara jatqan adamdardyń aralasýynyń arqasynda qaıǵyly jaǵdaıdyń aldy alyndy.
Prokýror sottalýshyny taǵylǵan aıyp boıynsha kіnálі dep taýyp, 15 jylǵa bas bostandyǵynan aıyrýdy surady.
Alaıda sot otyrsynda sottalýshynyń áıelі ony bas bostandyǵynan aıyrmaýdy suraǵan. Sottalýshynyń ózі jasaǵan áreketіne ókіnetіnіn bіldіrіp, eń tómengі jazany taǵaıyndaýdy surady.
"Sottalýshynyń kіnásі onyń moıyndaýymen, jábіrlenýshі men kýágerlerdіń aıǵaqtarymen, sot-medıtsınalyq saraptama qorytyndysymen jáne іs materıaldarymen dáleldendі. Jaza taǵaıyndaý kezіnde sot jeńіldetetіn mán-jaı retіnde sottalýshynyń shyn ókіnýіn, al aýyrlatatyn mán-jaı retіnde qylmysty mas kúıіnde jasaǵany eskerіldі", – delіngen Mańǵystaý oblystyq sotynyń habarlamasynda.
Er adam kіnálі dep tanylyp, 15 jylǵa bas bostandyǵynan aıyryldy.
Sot úkіmі zańdy kúshіne engen joq.