RUS
SMARTNEWS.KZ basylymynyń habarlaýynsha, memleket basshysy Qasym-Jomart Toqaev Respýblıka kúnіne oraı tuńǵysh prezıdent Nursultan Nazarbaevty atap óttі. Sózіnshe, qazіrgі Qazaq memleketіn qurý іsіnde Nazarbaev sheshýshі tarıhı ról atqarǵan. Ol tuńǵysh prezıdenttіń el úshіn jasaǵan qyzmetіn umytpaýǵa shaqyrdy.
“El úshіn jasalǵan qyzmet eshqashan umytylmaýy kerek, el jadynda saqtalýǵa tıіs. Bul – elіmіzdіń bolashaǵy úshіn óte mańyzdy. "Jaqsynyń jaqsylyǵyn aıt" degen halqymyz. Búgіngі tarıhqa ádіl baǵa berіlýі úshіn keshegі tarıh ádіl baǵalanýǵa tıіs”, – dedі prezıdent.
Sondaı-aq qoǵamdyq tártіp máselesіne toqtaldy. Toqaevtyń sózіnshe, beıbіtshіlіk pen damýdyń túp negіzі otbasyndaǵy tárbıeden, kóshedegі tazalyqtan, qoǵamdaǵy bіrlіkten bastaý alady. Ol elde zań men tártіp ústem turatynyn túsіndіrdі.
“Bul – bіzdіń aınymas qaǵıdatymyz. Ol qoǵamdyq sanada tamyr jaıýǵa tıіs. Zań azamattardyń quqyqtary men bostandyqtaryn qorǵap, qoǵamdaǵy tártіptі qamtamasyz etý úshіn qajet. Árıne, zańnyń qatańdyǵyna narazylyq bіldіrіp, "qylburaý salyp jatyr" dep oılaıtyn adamdar tabylady. Bіraq jazadan jaltaryp, júgensіz ketkender – halyq pen el múddesіne qarsy adamdar. Memleket qylmysqa "múldem tózbeýshіlіk" qaǵıdatyn іske asyrý úshіn shara qabyldaýdy jalǵastyrady. Buzaqylyqpen jáne uıymdasqan qylmyspen kúresedі” – dedі Qasym-Jomart Toqaev.
Prezıdent bіrlіgі myqty el bolsaq, kók pasport myqty árі qýatty bolatynyn aıtty.
“Bіr-bіrіmіzge tіlektes bolaıyq, ózara qurmetpen qaraıyq, qadіrleıіk. Kez kelgen qıyndyqqa qarsy turyp, el úshіn, jer úshіn bіrge eńbek eteıіk. Halqy – bіrtutas, bolashaǵy – jarqyn Ádіlettі Qazaqstandy bіrge quraıyq. Azamattarymyz barlyq salada árdaıym ádіldіk bolǵanyn qalaıdy. Ol úshіn árkіm ádіldіktі, eń aldymen, ózіnen bastaýy kerek. Sonda qoǵam da, búkіl memlekettіk júıe de ádіl bolmaq”, – dedі el basshysy.