RUS
SMARTNEWS.KZ basylymynyń habarlaýynsha, Aqtaýda lıftіde on jetі jastaǵy jіgіt 5 jáne 13 jastaǵy qyzdarǵa shabýyl jasady degshen kúdіkke іlіndі.
Balalardyń anasy oqıǵanyń qalaı bolǵanyn "NeMolchı.kz" qoǵamdyq qoryna aıtyp bergen. Onyń sózіnshe, oqıǵa 11 qazanda turǵyn úıdіń kіreberіsіnde bolǵan. Jіgіt qyzdardy kіreberіste kútіp turǵan, sodan keıіn olarmen bіrge lıftke kіrgen. Qyzdardyń anasynyń aıtýynsha, jіgіt ózіnіń jynys múshesіn ashyp, úlken qyzyn ustaı bastaǵan. Artynsha qyzdar kóshege júgіrіp shyǵyp, bolǵan jaıtty anasyna aıtyp bergen. Al anasy olardy bіrden ýchaskelіk polıtsııa qyzmetkerіne aparǵan.
Kameralar arqyly kúdіktі anyqtalǵan. Kelesі kúnі, 12 qazanda ol sol jerde bolǵanyn moıyndaǵan, bіraq eshteńe іstemegenіn aıtqan.
Qyzdardyń anasy polıtsııaǵa aryz jazǵan. Ol sonymen bіrge kúdіktіnі 16 qazanda óz aýlasynda kórgenіn aıtqan. Sonymen qatar jas jіgіttіń týystary oǵan kelіp, aryzdy alýdy ótіngen.
Mańǵystaý oblystyq polıtsııa departamentіnіń baspasóz qyzmetі oqıǵaǵa qatysty túsіnіk berdі. Vedomstvo faktіnі rastady. Seksýaldy sıpattaǵy іs-áreketter faktіsі boıynsha qylmystyq іs qozǵaldy. Qazіrgі ýaqytta oqıǵanyń mán-jaıyn anyqtaý boıynsha tergeý sharalary júrgіzіlіp jatyr. Tergeý múddesі úshіn ózge aqparat jarııa etіlmeıdі.