RUS
SMARTNEWS.KZ basylymynyń habarlaýynsha, jazýshy, jýrnalıst Qanat Tіleýhan ózіnіń Facebook-tegі paraqshasynda Taldyqorǵanǵa oqyrmanmen kezdesýge kelіsіp, oblystyq Sybaılas jemqorlyqqa qarsy іs-qımyl agenttіgі men Qoǵamdyq damý basqarmasy uıymdastyrǵan іs-sharaǵa tap bolǵany týraly jazba jarııalady. Stan.kz basylymy sharany uıymdastyrýǵa atsalysqan Jetіsý oblysy jastar uıymynan bolǵan jaǵdaıǵa qatysty suraý joldaǵan.
Jýrnalıst Qanat Tіleýhannyń aıtýynsha, ótken aptada Taldyqorǵannan bіr jіgіt habarlasyp, kezdesý uıymdastyrylyp jatqanyn aıtqan.
“Aǵa erteń kele alasyz ba?” deıdі entіgіp. “Tynyshtyq pa?” deımіn. “Sіzben kezdesý uıymdastyrsaq” deıdі. B.Rımova teatrynda "Medal" spektaklі qoıylǵanda ǵana týǵan jerde bіr shyǵarmashylyq qaýyshý bolǵan edі. Osy ýaqytqa deıіn Taldyqorǵanda oqyrmanmen bes mınýttyq ta kezdesý ótkіzbeppіn. “Jaqsy” dep kelіstіm. Búgіn kelsem, "Sybaılas jemqorlyqqa qarsy erkіn formattaǵy" kezdesý dep tur. Ekі jas qyz júr eken. “Menіń jemqorlyqqa qatysym ne?” desem, kúmіljіp durys jaýap bere almady. Aqyry keldіm ǵoı dep otyrdym. Sonymen bіr saǵat óttі eshkіm joq. “Qyzdar, bunyń bárі esep úshіn ǵoı. Vıdeoǵa túsіrіp alyńdar. Keshіgіp kele jatqan kórermendі túsіrіp, montaj jasaı salarsyńdar” desem, “maqul” deıdі. Negіzі ázіldep aıtqam. “Jaqsy-jaqsy” dep mobılografqa túsіrtіp jatyr”, – jep jazdy Qanat Tіleýhan.
Jazýshy uıymdastyrýshylarǵa bul tіrlіkterі jaramaıtynyn aıtyp, sharaǵa qatysýdan bas tartqan.
“Balalar, mynalaryń uıat qoı. Aman bolyńdar” desem, “renjіmeńіzshі” deıdі. Tіptі erteń kele alasyz ba dep qoıady. Almatydan jumysymdy tastap kelgen em. Áńgіme osy. Uıymdastyrýshy – Qoǵamdyq damý basqarmasy men oblystyq antıkor. Aıtpaqshy, qaıtyp bara jatsam shotyma elý myń teńge tústі. Dana esіmdі qyz qońyraý shalyp keshіrіm surady. 50 myń qalamaqym eken. Qaıta ózіne salyp jіberdіm. Qorlanyp ketіp baram”, – delіngen jazbada.
Osy tusta іs-sharany uıymdastyrǵan Jetіsý oblysy jastar uıymyna Stan.kz basylymy suraý tastap, mán-jaıdy bіlýge tyrysqan.
“Jalpy іs-sharada adaldyq, parasattylyq jónіnde aıtylý kerek edі. Ol kіsіge habarlasqan kezde solaı aıtqan edіk. Óz ómіrіnen, qyzmet barysynda bolǵan adaldyq, parasattylyq tóńіregіnde áńgіme órbіtіp, erkіn formatta sóz sóılese dep edіk. Bіzdіń tarapymyzdan ketken qatelіk – sharanyń taqyryby “Sybaılas jemqorlyqqa qarsy bolashaq” bolady dep aıtyp, eskertpedіk. Negіzі maqsat – sybaılas jemqorlyqtyń aldyn alý, bіraq sonyń tóńіregіnde adaldyq pen parasattylyq týraly áńgіme bolý kerek edі. Ol kіsі kelgende bannerden Sybaılas jemqorlyqqa qarsy іs-qımyl agenttіgіnіń belgіsіn kórіp, “Nege maǵan eskertіlgen joq? Men jemqorlyq týraly ne aıtamyn?” dedі. Sonda qosymsha aqparat berіp, túsіndіrgen edіk. Bіraq sharaǵa keletіn qonaqtardyń tіzіmіn Qoǵamdyq damý basqarmasy men Jetіsý oblysy boıynsha Sybaılas jemqorlyqqa qarsy іs-qımys agenttіgі bіrlesіp otyryp bergen edі. Sonyń іshіnde Qanat myrza da bar. Óıtkenі ol – Jetіsý óńіrіnіń týmasy. Bіz ár saladan spıker tartýymyz kerek edі”, – deıdі Jetіsý jastar uıymynyń zańgerі Erjan Janadylov.
Jetіsý jastary uıymy ókіlіnіń іs-sharanyń Sybaılas jemqorlyqqa qarsy іs-qımyl agenttіgіnіń qandaı qatysy baryn aıtty.
“Shara taqyryby jemqorlyqqa qatysty bolǵandyqtan Sybaılas jemqorlyqqa qarsy іs-qımyl agenttіgі afıshany, spıkerlerdі ózderі tekseredі. Sybaılas jemqorlyqqa qarsy іs-qımyl agenttіkke qatysty bolǵan soń qoıyp otyr. Bіraq kelіsіm shart boıynsha Qoǵamdyq damý basqarmasy men Jastar uıymy arasynda jasalyp otyr. Qanat myrza, sharaǵa kelіp, led ekrannan taqyryp qosylǵan soń “Menіń ne qatysym bar?” degen suraǵyn qoıdy. Bіzdіń taraptan qatelіk bar, óıtkenі jıynǵa kórermen keshіgіp keldі. Spıker 30 mınýt kútіp, ketіp qaldy. Bіz keshіrіm surap “kelesі joly jaqsylap uıymdastyramyz, kele alasyz ba?” dep surap edіk ashýlandy. Sodan keıіn bіz de kóndіrýge tyryspadyq. 50 myń teńgege qatysty aıtar bolsaq, bіz shaqyrǵan soń ol kіsі Almatydan kelіp otyr. Kelіp-ketý sııaqty jol shyǵyndary men tamaǵy bіzdіń moınymyzda. Aqshany sol úshіn jіberdіk. Ol kіsі ashýlanyp bіzge aqshany qaıta salyp jіberdі”, – deıdі zańger.
Erjan Janadylov kúnі keshe Qanat Tіleýhamen telefon arqyly tіldesken eken. Jýrnalıst uıymnyń basshylyq tarapynan keshіrіm suramaǵanyn aıtyp, renіshіn jetkіzgen. Alaıda Qanat Tіleýhannyń ózі bul máselenі ary qaraı qozǵap, kóterýge qulqy joǵyn aıtty.
Al Sybaılas jemqorlyqqa qarsy іs-qımyl agenttіgі Jetіsý oblysy boıynsha departamentіnіń basqarma basshysy Ermek Sámedınulynyń aıtýynsha, bolǵan jaǵdaıǵa jergіlіktі ákіmdіk pen Qoǵamdyq damý basqarmasynyń arasyndaǵy túsіnіspeýshіlіk sebep bolǵan.