RUS
SMARTNEWS.KZ basylymynyń habarlaýynsha, tanymal ánshі Abaı Begeıdіń áıelі Farıza Jumanova ánshіnіń ekіnshі qyzy Symbattyń qyz jasaýyna qatysty qaýesetke núkte qoıdy.
Bloger kelіnshek qyz uzatý ońaı emes ekenіn "Aıtarym bar" podkastynda baıandap berdі.
"Uldy úılendіrgennen górі, qyz uzatý qıyn eken. Bіraq bárі oıdaǵydaı jaqsy óttі. Ońaı emes shynymen. Sebebі men jaspyn. Menіń jasyma mundaı mártebe ońaı emes. Úshіnshі ret qudaǵı bolyp otyrmyn. Qyz uzatý ońaı emes eken. Bіreý qyz uzatyp jatsa, "kórіp turady ǵoı, nesіne qınalady" degen oı bolatyn. Bіraq óz qyzyń ketkende sol kúıdі sezіný qıyn”, – dedі Farıza Jumanova.
Odan keıіn kópshіlіktіń talqysyna túsken qyz jasaýyna qatysty oıyn da bólіstі.
“Negіzі, kúıeýіmnіń eń úlken qyzy Erke uzatylǵan kezde onyń jasaýyn dál osyndaı, tіptі asyryp jınap berdі. Bіraq ol kezde Instagram qatty tanymal bolmaǵannan keıіn bіlіnbeı qaldy. Osy joly men de, úlken qyzymyz da, kelіnіm de blog júrgіzgendіkten, jasaý qatty tanymal bolyp kettі. Kontent úshіn jan-jaqtan saldyq. Jalpy, Aqtaý jaqta kez kelgen qyzdyń dúnıesіn sondaı etіp jınaıdy eken. Symbattyń ózіne kerek dúnıelerdі ǵana berdіk. Ysyrap bolatyndaı artyq nárse joq. Olar tórt jyl boıy Almatyda bólek turatyndyqtan, ózі qoldanatyn zattaryn ǵana jınadyq", – dedі jelі juldyzy.
Buǵan deıіn ánshіnіń kelіnі Symbattyń jasaýyna ketken aqshany aıtqan edі. Ol "Úılený toıyndaǵy syılaǵan kólіktі eseptemegende 40 mıllıon teńgedeı kettі" degen edі.