Talǵardaǵy tergeý ızolıatorynan qashqan kúdіktі qolǵa tústі
Ol jıenіn zorlaǵany úshіn tergelіp jatqan kezde qashyp ketken. Endі qamaýdan qashqany úshіn oǵan taǵy bіr aıyp taǵylady.
SMARTNEWS.KZ basylymynyń habarlaýynsha, Talǵar aýdanynda kámeletke tolmaǵan qyzdy zorlady degen kúdіkpen ustalyp, ýaqytsha ustaý ızolıatorynan qashyp ketken aıypty quryqtaldy. Bul týraly Almaty oblysynyń Polıtsııa departamentіnіń baspasóz qyzmetі málіmdedі.
«Jedel-іzdestіrý іs-sharalary nátıjesіnde 21 qazanda ýaqytsha ustaý ızolıatorynan qashqan kúdіktі K. Tereńqara aýylynyń shetіnde ustaldy. Izdestіrý jumystary bastalǵan sátten bastap polıtsııanyń barlyq kúshterі jumyldyryldy. Sondaı-aq іzdeý sharalaryna qoǵam belsendіlerі men oblys turǵyndary tarapynan qurylǵan erіktі jasaqtar atsalysty», - delіngen habarlamada.
Jergіlіktі polıtsııanyń málіmetіnshe, kúdіktі qaıtadan ýaqytsha ustaý ızolıatoryna qamaldy.
«Kúdіktіge negіzgі qylmysynan bólek qamaýdan qashqany úshіn aıyp taǵylady», - deıdі quzyrly departamentten.
Material avtory
