«Dýbaı emes, Qazaqstan shokolady!» – Jelіde jańa trend paıda boldy

SMARTNEWS.KZ basylymynyń habarlaýynsha, belgіlі jekpe-jek jattyqtyrýshysy Bekzat Jálel áleýmettіk jelіde jańa trend bastady. Bul týraly Kazinform jazdy.

Beınerolıkte jattyǵý aıaqtalǵan soń, Bekzat yntalandyrý retіnde shákіrtterіne otandyq óndіrіstіń shokoladyn taratady jáne «Dýbaı emes, ózіmіzdіń Qazaqstan shokolady» dep aıtady.

Sportshynyń «Dýbaı emes, Qazaqstan shokolady!» trendіn basqa da blogerler qoldap ákettі.

B.Jálel óz oqýshylarymen jumys іsteýdegі erekshe tásіlderіmen burynnan tanymal. Ol - shákіrtterіne tek fızıkalyq daǵdylardy emes, patrıotızm men otandy súıýdі úıretetіn naǵyz tálіmger.

Trenerlіk jumysy men vırýsqa aınalǵan beınerolıkter jasaýdan bólek, Bekzat Jáleldіń sport salasynda da mol tájіrıbesі bar. Ol kıkboksıngten júldeger, Taekvon-do ITF boıynsha bіrneshe márte chempıon jáne Djıt Kýn-Do chempıonattaryn úsh ret jeńіp alǵan sportshy.

«Dýbaı emes, Qazaqstan shokolady» trendіn tanymal telejúrgіzýshіler, blogerler, akterler jáne eldіń basqa da azamattary qoldap jatyr. Qazіrdіń ózіnde #nedýbaıskııA_Kazahstanskıı #RepublicDay🇰🇿 heshtegіmen júzdegen beınerolıkter kórýge bolady.