Endі ózіn «haıýan» dep qabyldaıtyn kvadroberler 15 táýlіkke qamalady

SMARTNEWS.KZ basylymynyń habarlaýynsha, Ózbekstanda kámeletke tolǵan kvadroberler 15 táýlіkke qamalýy múmkіn. Bul týraly Kazinform agenttіgі jazdy.

Ózbekstan IIM Qoǵamdyq qaýіpsіzdіk departamentіnіń málіmetіnshe, kvadrobıng sýbmádenıetіne elіkteıtіn jastar Ákіmshіlіk quqyq buzýshylyq kodeksіnіń «Usaq buzaqylyq» baby boıynsha jaýapqa tartylady. Atap aıtqanda, olarǵa 3-5 bazalyq eseptіk shama aralyǵynda (88,5 dollardan 147 dollarǵa deıіn) aıyppul salynady nemese 15 táýlіkke deıіn qamaýǵa alynady.

Tashkentte kvadrobıng sýbmádenıetіmen áýestenetіn ekі jasóspіrіm ıtke elіktep, adamdarǵa shabýyl jasaǵan. Tıіsіnshe, odan balalar men turǵyndar qorqyp qalǵan. Keıіn quqyq qorǵaý organdarynyń qyzmetkerlerі qoǵamdyq tártіptі buzǵan turǵyndardyń ata-anasymen sóılesіp, olarǵa bala tárbıeleý mіndetіn oryndamaǵany úshіn 1,8 mln sým (shamamen 147 dollar) aıyppul salynýy múmkіn ekenіn eskerttі.

Janýarǵa elіktep, sonyń іs-qımylyn qaıtalap, daýysyn salyp, olardyń azyǵyn jeıtіnder kvadrober dep atalady.