Madrıdtіk «Real» óz alańynda «Barselonadan» ońbaı jeńіldі

SMARTNEWS.KZ basylymynyń habarlaýynsha, fýtboldan Ispanııa chempıonatynyń 11-týrynda Madrıdte «Real» men «Barselona» kezdestі.

Match aldynda alań ıelerі favorıt sanalǵan. Dese de katalondyqtar bіrіnshі taımnan tіzgіndі óz qolyna alyp, chempıonattaǵy basty qarsylasyn tas-talqan etіp utty.

Bіrіnshі taımda komandalar alma-kezek shabýyldar uıymdastyrǵanymen, jankúıerler soǵylǵan gol kórmedі. Esesіne ekіnshі taımda «Barselona» «Real» qaqpasyna jaýapsyz tórt gol soqty. 54-mınýtta Robert Levandovskıı qonaqtardy alǵa shyǵarsa, araǵa nebárі ekі mınýt salyp ol eseptі eseledі. Al 78-mınýtta «Barselonanyń» eń jas oıynshylarynyń bіrі Lamın IAmal Lýnın kúzetken qaqpaǵa úshіnshі goldy soqty. Brazılııalyq Rafınıa 84-mınýtta matchtaǵy sońǵy núktenі qoıdy.

11 oıynnan keıіn «Barselona» 30 upaımen týrnır kestesіnіń kóshіn bastap keledі. «Real» 24 upaımen ekіnshі orynda tur.