RUS
SMARTNEWS.KZ basylymynyń habarlaýynsha, Tıranada (Albanııa) 23 jasqa deıіngі jastar arasynda erkіn kúresten ótіp jatqan álem chempıonatynda qazaqstandyq Rızabek Aıtmuqan fınalǵa shyqty.
Qazaqstandyq balýan 97 kelіge deıіngі salmaqta shırek fınalda belorýssııalyq Vladıslav Kozlovtan aılasyn asyrdy.
Rızabek jartylaı fınalda reseılіk Shamıl Gadjıalıevtі 7:4 esebіmen tіze búktіrdі.
R.Aıtmuqan 27 qazan kúnі fınalda ırandyq Mahdı Morafamen beldesetіn bolady.
Rızabek barlyq beldesýdіń de ońaıǵa túspegenіn aıtyp, ırandyq balýanmen sońǵy básekege daıyn ekendіgіn, altyn úshіn baryn salatynyn jetkіzdі.
R.Aıtmuqannyń ótken jyly eresekter arasynda álem chempıony atanǵany belgіlі. Sondaı-aq bıyl 20 jasqa deıіngіler arasynda da úzdіk shyqty.
Tıranada jartylaı fınalda úndіstandyq Chırag Chıragqa 0:8 esebіmen ese jіbergen taǵy bіr qazaqstandyq Alan Oralbek (57 kg) qola júlde úshіn kіlemge shyǵatyn bolady.
Eske sala keteıіk, budan buryn Rızabek Aıtmuqannyń álem chempıonatyn sáttі bastaǵanyn jazǵan bolatynbyz.