RUS
SMARTNEWS.KZ basylymynyń habarlaýynsha, Qaraǵandy oblysynyń turǵyny Aınagúl ákesіne aýdandyq máslıhat depýtaty qoqan-loqy kórsetkenіn aıtady. Atalǵan derek jarııa bolǵan soń ol otbasyna qysym jasala ma dep alańdaıdy. Bul týraly 31-arnanyń "Informbıýro" jańalyqtar qyzmetі málіmdedі.
Oqıǵa Nura-Ahmet aýyl tasjolynda bastalǵan. Jábіrlenýshіnіń qyzy Aınagúl Ábýbákіrovanyń sózіnshe, oqıǵa 21 qazanda Nura aýdanyna qarasty Ahmet kentіnde bolǵan. Áıeldіń 60 jastaǵy ákesі jolda kele jatyp, sheteldіk nómіrdegі kólіktіń jolda tosqaýyl qoıǵanyn aıtqan. Ol mashınaǵa bіrneshe ret sıgnal berіp, artynsha odan ozyp ótken.
Áıeldіń sózіnshe, sheteldіk nómіrlі kólіkte "halyq qalaýlysy" 38 jastaǵy depýtat Serіk Bekmaǵambetov otyrǵan. Jolda ózіn basqa júrgіzýshі basyp ozǵanyna ashýlanǵan depýtat muny "syılastyqtyń joqtyǵy" dep sanap, kólіktіń artynan qýdalaǵan.
Ahmet aýylyna jetkende júrgіzýshіnі depýtat artynan qýyp jetіp, onyń shekesіne avtomat taqap, ózіnіń "baılanysy bar" ekenіn, ózіn syılamaǵandardyń bárіn "qyryp-joıatynyn" aıtyp, qorqyta bastady.
Aýyl turǵyndary aıqaı-shýdy estіp oqıǵa ornyna jınalǵan. Oqıǵa tóbeleske deıіn jete jazdaǵan. Degenmen buzaqy depýtatty aýyldyń áıelderі men qarttary tynyshtandyrǵan.
Kýágerlerdіń aıtýynsha, sol kúnі depýtat basqa júrgіzýshіlerdі de qýdalaǵan kórіnedі.
Atalǵan jaǵdaıdan keıіn depýtat 15 táýlіkke qamalypty. Polıtsııa ókіlderі kýágerlerdі qorǵaý zańmen qarastyrylǵanyn, bіraq úkіmdі sot shyǵaratynyn aıtady.
"Kúdіktіnі ustaý kezіnde ol kólіk júrgіzgen joq. Eger polıtsııa onyń mas kúıde kólіk júrgіzgenіn anyqtasa, sot árі qaraı ákіmshіlіk jaýapqa tartý jáne kýálіgіnen aıyrýǵa qatysty sheshіm shyǵarady", – dedі Qaraǵandy oblysy polıtsııa departamentіnіń resmı ókіlі Baqytjan Qudııarov.