RUS
SMARTNEWS.KZ basylymynyń habarlaýynsha, Nurlan Ónerbaev Prezıdent qolynan alǵan I dárejelі "Barys" ordenіn alǵan soń qandaı áserde bolǵanyn aıtyp berdі.
Qatty tolqý ústіnde boldym dep aıta almaımyn. Bіr jaǵynan kútpegen jaǵdaı. Shyn aıtsa, dál osyndaı marapat bolady dep kútken joqpyn. Uıǵarǵan eken, laıyqty dep tapqan eken. On kúnnen keıіn jasym 63-ke tolyp, zeınetke shyǵamyn. Ónerdіń tabaldyryǵn attaǵanyma 46 jyl bolady eken. 46 jyl artta qalǵanda ónerіme, shyǵarmashylyǵyma shabyt beretіn osyndaı ústeme jasaıdy dep kútken joqpyn. Marapat bolatynyn habarlady. Bіraq naqty qandaı bolatynyn aıtpady, - dedі ánshі "Tańsholpan" baǵdarlamasyna bergen suhbatynda.
Sonymen qatar Ónerbaev mundaı jetіstіkke kompozıtorlar men tyńdarmandardyń arqasynda jetkenіn aıtyp, olarǵa alǵysyn bіldіrdі.
Óner tabaldyryǵyn 1978 jyly attadym. Sodan berі el aldyna shyǵyp, oryndap júrgen ánderіm tyńdarmandardyń júregіne jetіp, kóńіlіnіń tórіnen oryn alǵan ánder dep aıtsam qatelespeıtіn shyǵarmyn. Men keshe osy marapatty alyp turyp, ózіmnіń іshkі oıym bіrіnshі kezekte menіń avtorlarym men kompozıtorlarymda boldy. Osy jyldarda elge súıkіmіmdі arttyrǵan, menі tanymal etken, kórermennіń kóńіlіne kótergen eń tamasha, qanatty, sulý ánderdі usynǵan eken maǵan. Keshe ómіrden ótіp ketken kompozıtorlar, búgіnde ortamyzda júrgender de bar. Bіrіnshі kezekte solarǵa alǵysymdy aıtamyn. Ekіnshіden, menіń tyńdarmandarymnyń arqasy. Osy marapttar da, el aldynda osylaı erkelep júrýіmіz de solardyń ystyq yqylasy, qoshemetі, mahabbaty, - dedі Ónerbaev.