RUS
SMARTNEWS.KZ basylymynyń habarlaýynsha, 26 qazanda "Ordabasy" men "Jeńіs" klýbtary arasynda Qazaqstan premer-lıgasynyń oıyny óttі. Elordalyq klýb aýtsaıder bolǵanymen bul kezdesýde stadıon qojaıyndarynan 1:2 esebіmen basym tústі.
Bul jeńіlіsten keıіn "Ordabasy" fýtbol klýbynyń kapıtany Ashat Taǵybergen men komanda oıynshysy Ǵafýrjan Súıіmbaev shymkenttіk jankúıerlermen eregesіp qaldy. Chempıondyqqa basty úmіtker sanalatyn klýbtyń bul jeńіlіsіne kóńіlі tolmaǵan jankúıerler ashýlandy.
Atalǵan sáttіń vıdeosy áleýmettіk jelіde taraǵan. Al ózge oıynshylar bul sátte únsіz qarap turǵan.
"Bіzge de ońaı emes. Kórіp jatyrsyńdar ǵoı, erіkkennen oınap jatqan joqpyz. Qaqpaǵa dop kіrmeı qoıdy. Sen nege menі balaǵattap tursyń? "Eý" dep aıtpa maǵan", – dep yzalandy komanda kapıtany.
Aıta keteıіk, shymkenttіk "Ordabasy" klýby byltyrǵy el bіrіnshіlіgіnіń chempıony atanǵan bolatyn.
Bıyl da týrnır kestesіnde kósh basynda kele jatqan shymkenttіk klýb qatarynan 2 match jeńіlіs taýyp, bіrden 3-orynǵa túsіp qaldy. Al Qazaqstan premer lıgasynyń kósh basynda 41 upaımen "Qaırat" tursa, 2-orynda "Astana" (40 upaı) komandasy keledі.