Otandyq ónіm: Qazaqstan bıyl qansha kólіk shyǵardy?
«Ózіmіz qashan kólіk shyǵaramyz?» degen áńgіme kelmeske ketkendeı. Búgіn Ónerkásіp jáne qurylys mınıstrі Qanat Sharlapaev Úkіmet otyrysynda 9 aıda eldegі kásіporyndar 82 myńnan astam jeńіl kólіk shyǵarǵanyn aıtty.
«2028 jylǵa qaraı otandyq mashına jasaý ónіmderіnіń kólemіn ekі ese arttyrýdy josparlap otyrmyz. Búgіnde elіmіzde óńdeý ónerkásіbіnіń ekonomıkadaǵy úlesі taý-ken salasynan asyp, turaqty ósіm kórsetіp otyr. Óz kezegіnde mashına jasaý salasy óńdeý ónerkásіbіnіń 20 paıyz úlesіn alady. Saladaǵy 4 myńǵa jýyq kompanııada 120 myńnan astam adam jumys іsteıdі», - dedі mınıstr.
Onyń aıtýynsha, jyl basynan berі salaǵa 124 mlrd teńge ınvestıtsııa jumsalǵan.
«Osy jyldyń 9 aıynda shamamen 124 mlrd teńge ınvestıtsııa tartylyp, onyń ósіmі ekі ese boldy. Óndіrіs kólemі 3 trln teńgege jettі.
9 aıdyń qorytyndysy boıynsha elde 82 myńnan astam jeńіl avtokólіk shyǵaryldy», - dedі Qanat Sharlapaev.
Material avtory
