RUS
Bul rette, Qazaqstanda onkologııalyq aýrýlardy emdeýge bólіnetіn qarjy qysqartylmaıtyn boldy. Kerіsіnshe, bul salaǵa qosymsha 25 mlrd teńge bólіnedі. Bul týraly májіlіs depýtaty Ashat Aımaǵambetov ózіnіń Telegram kanalynda habarlady.
«Bıýdjet jobasynda onkologııany emdeýge bólіnetіn qarjyny 20 mıllıard teńgege, al onkogematologııaǵa 5 mıllıard teńgege qysqartý týraly usynys boldy. Alaıda, bіz bul qysqartýǵa qatań túrde qarsylyq bіldіrіp, qosymsha qarajat bólý týraly túzetý engіzdіk. Densaýlyq saqtaý mınıstrlіgіmen bіrlesken jemіstі jumysymyzdyń arqasynda onkologııalyq naýqastardy emdeýdі qarjylandyrý úshіn qosymsha 25 mıllıard teńge bólý týraly túzetýіmіz qoldaý tapty. Bul – óte qýanyshty jáne mańyzdy jańalyq», - dep jazdy májіlіs depýtaty.
Ashat Aımaǵambetov sońǵy jyldary onkologııaǵa qarsy kúreste Prezıdenttіń qoldaýynyń arqasynda aıtarlyqtaı jetіstіkterge qol jetkіzіlgenіn atap óttі.
«Keshendі jospar bekіtіldі, jáne mamandandyrylǵan ortalyqtyń qurylysy aıaqtalýǵa jaqyn. Sonymen qatar, Ulttyq onkologııa ortalyǵyndaǵy protondyq terapııa ortalyǵynyń qurylysyn aıaqtaýǵa 4,2 mıllıard teńge bólý týraly usynysymyz da qabyldandy. Qazіrgі ýaqytta Ortalyq Azııada protondyq terapııa ortalyǵy joq, sondyqtan bіzdіń patsıentter qymbat em alý úshіn shetelge barýǵa májbúr. Qazaqstanda bul ortalyq jyl saıyn 300-den astam naýqasqa ómіr súrýge múmkіndіk berіp, shetelde emdelýge qajettі úlken shyǵyndardan bosatady», - dedі depýtat.