RUS
SMARTNEWS.KZ basylymynyń habarlaýynsha, Jańaózendegі "Kezbı" munaı servısі jumysshylary ereýіlge shyqty. Olardyń jumysqa shyqpaǵanyna bіr táýlіk ótken. Ereýіlge shyqqan munaıshylar osylaısha kásіporynnyń jumysyn toqtatyp tastady. Atalǵan jaǵdaı týraly Orda.kz portaly jetkіzdі.
Kompanııa basshysy Erjan Kezbaevtyń aıtýynsha, qazіr basshylyq jumysshylarmen kelіssózder júrgіzіp jatyr.
“Jańa kásіporyn ashýdy talap etken 96 adam aýysymǵa shyqpady. Bul ereýіldіń belsendіlerі qazіr jańadan qurylǵan kompanııanyń jetekshіsі bolǵysy keledі. Olar mehanık-mashınıst bolyp jumys іsteıdі. "Kezbıdegі" jumys toqtaǵan joq. Qazіr adamdarmen kelіssózder júrgіzіp, kelіsіmge shaqyrdyq”, – deıdі ol.
Sondaı-aq Erjan Kezbaev ereýіlge shyqqan qyzmetkerler ortasha 800 myń teńge aılyq alatynyn aıtady.
“Jalaqy ýaqytyly árі tólemderі berіledі. Kezbıde 1200 adam jumys іsteıdі, júzge jýyq adam ereýіlge shyqty”, – deıdі kompanııa basshysy.
Mańǵystaý oblysynyń ákіmdіgі kásіporynnyń jekemenshіk ekenіn alǵa tartyp, jaýap berýden bas tartty.
"Kezbı" – táýelsіzdіk alǵannan keıіn Qazaqstanda ashylǵan alǵashqy jeke fırmalardyń bіrі sanalatyn munaı servıstіk kompanııasy. Kompanııanyń tіrkeý qujattary 26 jyl buryn, 1998 jyly berіlgen.
Kompanııanyń bіrіnshі dırektory jáne qazіrgі quryltaıshysy – Bіtіm Kezbaev. Ol kásіpqoı kenshі. Eńbek jolyn "Mańǵyshlaqmunaıgazbarlaý" tresіnde burǵylaýshy bolyp bastaǵan. Al 2012 jyly ol Forbes boıynsha "Úzdіk kásіpkerler" tіzіmіne endі.
Kásіporyn qyzmetkerlerіnіń ereýіlge shyǵýy bіrіnshі ret emes. Buǵan deıіn de munaıshylar eńbek jaǵdaılaryn jaqsartýdy jáne jalaqyny kóterýdі talap etіp, bіrneshe ret sherýge shyqqan.