RUS
«Qazaqstan Respýblıkasynyń «Onlaın-platformalar jáne onlaın-jarnama týraly» Zańynyń erejelerіne sáıkes ınflıýenser (bloger) – onlaın-platformada basqa da tulǵalarǵa aqparatty kásіpkerlіk qyzmet maqsatynda jarııalaıtyn onlaın-platformany paıdalanýshy. Búgіngі tańda Respýblıka boıynsha 745 bloger (tіzіm áleýmettіk jelіlerde – Instagram, Youtube, TikTok-ta 20 myńnan astam jazylýshysy bar jeke tulǵalardan qurylǵan) bar. Salyq kodeksіne sáıkes, blogerlerdіń, onyń іshіnde jarnama berýden nemese aqparattyq ónіmderdі jyljytýdan túsetіn tabystarǵa salyq salynady», - dep atap ótedі komıtetten agenttіktіń resmı saýalyna oraı.
Vedomstvo málіmetіnshe, eger bloger jaldamaly jumyskerlerdіń eńbegіn paıdalansa nemese onyń jyldyq tabysynyń mólsherі 12 eń tómengі jalaqydan assa (2024 jylǵy 1 qańtardan bastap eń tómengі jalaqy - 85 000 teńge, bul 1 020 000 teńgenі quraıdy) jeke kásіpker retіnde tіrkelýge mіndettі.
«Jalpy, otandyq blogerlerdіń kópshіlіgі qazіrdіń ózіnde kásіpker sanalady jáne qoldanylatyn salyq rejımіne baılanysty tıіstі salyqtardy tóleıdі. Máselen, sońǵy 9 aıda olar 1 mlrd 226 mln teńgeden astam somaǵa salyq tóledі», - dedі komıtetten.