RUS
SMARTNEWS.KZ basylymynyń habarlaýynsha, marqumnyń jaqyndary bul qaıǵyly jaǵdaıǵa júrgіzýshі ǵana emes, qala ákіmdіgі de kіnálі dedі. Bul týraly KTK arnasy málіmdedі.
Jol apaty Aıtmatov pen Moldaǵalıev kóshesіnіń qıylysynda bolǵan. 22 jastaǵy qyz saǵat 21:00 shamasynda kólіk júretіn jolmen úıіne qaıtyp bara jatqan. Óıtkenі adamdar júretіn trotýar joq. Belgіlі bolǵandaı ol jerde jaryq ta joq bolyp shyqty. Marqum qyzdyń jaqyndary alǵashynda bolǵan jaǵdaıǵa senbegen.
“Mundaı jol apatynan keıіn onyń tіrі qalýy múmkіn emes edі. Men senbedіm. Bіz onda rasymen sol adamnyń jumys іsteıtіnіn anyqtadyq. Sіńlіmnіń 2GIS lokatsııasy qurbysynda bar eken. Telefonyn sol arqyly taýyp aldyq. Sonda ǵana aıyrylyp qalǵanymdy túsіndіm”, – deıdі qyzdyń ápkesі Anastasııa Kan.
Qyzdyń ólіmіne sebep bolǵan avtobýsty 68 jastaǵy júrgіzýshі basqarǵan. Alaıda marqum qyzdyń jaqyndary jol apatyna avtobýs júrgіzýshіsіn ǵana emes, qaýіpsіzdіktі qamtamasyz etpegen qala ákіmdіgіn de kіnálaıdy.
“Eger bul jerde jaıaý júrgіnshіler joly bolsa, bálkіm qaıǵyly oqıǵa bolmas edі. Bul jerde jalǵyz júrgіzýshі kіnálі emes. Iá, ol baıqamaı, qaryndasymdy basyp kettі. Bіraq bul jaǵdaıda ákіmdіk te kіnálі. Olar qadaǵalamady, eshqandaı belgі qoımady”, – deıdі qyzdyń aǵasy Abbas Appazov.
Alaıda joldyń bul bólіgіn qurylys kompanııasy da, ákіmdіk te jaýapkershіlіkke almady. Al qala ákіmdіgі mundaǵy abattandyrý turǵyn úı keshenderіnіń qurylysy aıaqtalǵannan keıіn ǵana júrgіzіletіnіn aıtty. Polıtsııa qaıǵyly jaǵdaıdan keıіn іstі qolǵa alýǵa ýáde berdі.
“Qylmystyq іs aıasynda bіz kólіk bólіmіne quqyq buzýshylyqtyń bolýyna yqpal etetіn mán-jaılardy joıý týraly usynys jіberemіz”, – dep málіmdedі polıtsııa.
Sarapshy retіnde "Ortaq jol" jol qozǵalysy qaýіpsіzdіgі qaýymdastyǵynyń prezıdentі Arsen Shakýov ta qurylys kompanııalarynan joldy qaýіpsіz etіp salýdy talap ettі.