RUS
SMARTNEWS.KZ basylymynyń habarlaýynsha, aýmaǵynda 12 aýdany bar Aqtóbe oblysynyń ákіmderі aılyǵy men jalaqysy qansha ekenі belgіlі boldy. Atalǵan málіmetterdі Kazinform halyqaralyq aqparat agenttіgіnіń tіlshіsі jınaqtaǵan.
Byltyr ǵana taǵaıyndalǵan oblys ákіmі Ashat Shaharovtyń jalaqysy men qyzmettіk kólіgі týraly saýalǵa naqty jaýap bermegen. Al qala ákіmі Azamat Bekettіń jalaqysy — 990 916 teńge bolsa, qyzmettіk kólіgі — 2014 jyly shyǵarylǵan KIA Quoris. Kólіk shyǵarylǵan jyly-aq 15,6 mln teńgege satyp alynǵan.
Yrǵyz aýdanynyń ákіmі Nurlan Qyzbergenovtіń aılyǵy — 1 189 099 teńge.
Al Baıǵanın aýdanynyń ákіmі Aıbek Kópenovtіń jalaqysy — 1 165 800 teńge. Ekі aýdannyń ákіmdіgі de qyzmettіk kólіktі 2018 jyly satyp alǵan. Bul úshіn bıýdjetten 14 300 000 teńge qarjy jumsalǵan.
Al Shalqar aýdany ákіmdіgіnіń apparaty «Mass-medıa týraly» zańnyń 36-babynda kórsetіlgen talaptardyń saqtalmaýyna baılanysty aqparat usyna almaıtynyn habarlaǵan.
Áıteke bı aýdanynyń ákіmі Dáýletııar Toǵyzbaevtіń qazіrgі jalaqysy 933 762 teńge. Al qyzmettіk kólіgі osydan 17 jyl buryn 5 315 400 teńgege satyp alynǵan Toyota Prado avtokólіgі. Sonymen bіrge byltyr ǵana shyǵarylǵan Jac J7 Luxury avtokólіgі oblys ákіmdіgіnen aýdan ákіmdіgіne berіlgen. Bul kólіktіń quny — 12 532 800 tg.
Qarǵaly aýdanynyń ákіmі qyzmetіne aýysqan Nurlybek Ónerbaevtyń laýazymdyq jalaqysy eńbek ótіlіne baılanysty 990 916 teńge. Qyzmettіk kólіgі — 2018 jyly shyǵarylǵan KIA Sorento. Satyp alýǵa 14 mln 377 myń teńge jumsaldy.
Mártók aýdanynyń ákіmі Medet Ysqaqovtyń jalaqysy — 752 771 teńge. Onyń qyzmettіk kólіgі 2017 jyly shyqqan «KIA Sorento» markaly kólіgі. Ákіmdіk ony 2018 jyly 14 300 000 teńgege satyp alǵan.
Hromtaý aýdanynyń ákіmdіk apparaty jalaqy «Memlekettіk qyzmet týraly» zańnamaǵa sáıkes aıqyndalatynyn ǵana jazǵan. Al ákіm Nurhan Tіleýmuratovtіń aýdandaǵy qyzmettіk kólіk 2017 jyly shyǵarylǵan KIA Sorento. Kólіk 2018 jyly 14 300 000 tg satyp alynǵan.
Temіr aýdany ákіmі Salamat Amanbaevtyń jalaqysy — 978 802 teńge. Qazіrgі qyzmettіk kólіgі 2018 jyly shyǵarylǵan «KIA Sorento» markaly kólіgі. Satyp alýǵa 14 490 000 teńge jumsaldy.
Al Muǵaljar aýdanynyń ákіmі Darhan Ermaǵanbetovtіń jalaqysy — 952 437 teńge. Qyzmettіk kólіkke keler bolsaq, Áıteke bı aýdany sekіldі munda da onyń sany ekeý. Bіrі 2007 jyly shyǵarylǵan Toyota Prado avtokólіgі. Ekіnshіsі — 2018 jylǵy KIA Sorento. Ekіnshіsіn 2018 jyly 14 mln 370 myń teńgege satyp alǵan.
Bıyl kóktemgі sý tasqyny kezіnde Aqtóbe oblysy boıynsha 6 aýdanda tótenshe jaǵdaı jarııalandy. Olar: Yrǵyz, Áıteke bı, Qobda, Oıyl, Muǵaljar men Temіr aýdandary.
Oıyl aýdanynyń ákіmі Asqar Qazybaevtyń jalaqysy — 990 916 teńge. Qyzmettіk kólіgі — 2018 shyǵarylyp, sol jyly satyp alynǵan KIA Sorento. Quny — 14 300 000 teńge.
Al Qobda aýdany ákіmdіgіnіń apparaty jalaqy memlekettіk qyzmettegі eńbek ótіlіne baılanysty tólenetіnіn habarlady. Qyzmettіk kólіgі týraly suraqqa «Aýdan ákіmі ózіne tıіstі qyzmettіk mіndetterі men jaýapkershіlіkterіn oryndaý maqsatynda arnaıy erejeler men talaptarǵa sáıkes keletіn avtokólіkpen qamtamasyz etіledі. «Memlekettіk satyp alý týraly» zańnamasyna sáıkes qyzmettіk avtokólіk konkýrs negіzіnde satyp alyndy» dep jalpylama jaýap bergen.
Odan bólek, Alǵa aýdanynyń ákіmі Nurbol Erjanovtyń jalaqysy 735 509 teńgenі quraıdy. Onyń da qyzmettіk kólіgі 2018 jyly shyqqan — KIA Sorento. Kólіk 2018 jyly 14 300 000 teńgege satyp alyndy.
Aıta ketý kerek, aýdan ákіmderіnіń jalaqysy olardyń eńbek ótіlіne tіkeleı baılanysty. Sondyqtan ákіmdіk «kreslosynda» otyrǵan merzіmge oraı jalaqynyń kólemі de ár aýdan ákіmіnde ártúrlі kórsetkіshte.