RUS
«Jyl basynan berі bóten taýar belgіsіn zańsyz paıdalaný deregі boıynsha kásіpkerlіk sýbektіlerіne 216 tekserý júrgіzіldі. Onyń nátıjelerі kórsetkendeı qoldanystaǵy zańnamany buzýdyń 196 faktіsі anyqtaldy. 175 sýbekt ákіmshіlіk jaýapkershіlіkke tartylyp, memleketke 14 mıllıon teńgeden astam aıyppul óndіrіldі. Azamattyq aınalymnan jalpy somasy 102 mln teńgeden astatyn 320 myń kontrafaktіlіk ónіm tárkіlendі», - dedі Ádіlet mınıstrlіgіnіń resmı ókіlі Talǵat Ýálı vedomstvonyń baspasóz máslıhatynda.
Máselen osy jyldyń 28 tamyzynda Almaty qalalyq Ádіlet departamentіnіń qyzmetkerlerі «HUGO BOSS» saýda belgіsіn zańsyz paıdalanyp, kontrafaktіlіk taýarlardy satyp kelgen saýdagerdі áshkerelegen. «HUGO BOSS» kompanııasy ókіlіnіń ótіnіshі boıynsha, Almatydaǵy saýda bazarlarynyń bіrіnde erler kıіmіn kóterme baǵada satýmen aınalysqan jeke kásіpkerge jospardan tys tekserý júrgіzіldі.
Tekserý barysynda «HUGO BOSS» taýar belgіsіn zańsyz paıdalaný faktіsі rastaldy. Nátıjesіnde jalpy somasy 1,5 mln teńgeden asatyn 1600 kontrafaktіlіk taýar tárkіlendі. Belgіlі bolǵandaı, kásіpker jalǵan ónіmdі naryqtaǵy túpnusqanyń baǵasynan 300 paıyz tómen baǵamen búkіl Qazaqstan aýmaǵynda taratyp kelgen.