Tarazda memlekettіk baǵdarlamamen úı alǵandar joq jylý men jaryqqa aqsha tólep otyr

SMARTNEWS.KZ basylymynyń habarlaýynsha, baspanaly boldy degen aty bolmasa 180 páterlі úıdіń ıelerі joq jylý úshіn aqsha tóleımіz dep shyp-pyr bolady. 31 arnanyń “Iformbıýro” jańalyqtar qyzmetі málіmdedі.

“Árıne, jaǵymsyz nárse. Álі jylýdyń aqshasy keledі. Esepteýіsh aınalyp jatyr. Ystyq sý joq. Sol úshіn tóletedі bіzge. Sony tóleımіz. Jýynyp jatqan joqpyz. Basqa jylýy bar jaqqa baramyz. Bul jaqta joq”, – deıdі turǵyndardyń bіrі Gúlzıra Ábdіkeeva.

Syz tartqan úıden dert tapqandardyń da sany artyp jatyr. 

“Byltyr qystaı úsіp otyrdyq. Úıdіń іshіnde palto, kýrtka, jún noskı, aıaq-kıіm kıіp júrdіk. Aqsha tólegende “aıma-aı osy tóle, tóle” dep janymyzdy shyǵarady ǵoı, shіrkіn! Endі keshelі berі jaryqqa aqsha tólep qoıǵanbyz. Bіraq ol túspeıdі. Jaryq joq. Tamaq ashyp, pyshyp іrіp jatyr. Kіmge kerekpіz bіz? Eshkіmge kerek emespіz bіz”, – deıdі turǵyndardyń bіrі Nurjamal Sartaeva.

Al atqarýshy bılіk salynǵan úıdіń sapasyz ekenіmen kelіspeıdі. dese de úsh jyl buryn berіlgen úılerdіń qubyry tozyp ketken. Olardyń aıtýynsha, jyly sý men jaryqty turǵyndardyń ózderі jasap alý kerek. 

Áleýmettіk osal taptarǵa berіlgen bul kóp qabatty úı turýǵa jaramsyz qonysqa aınaldy. Shaǵym aıtqan turǵyndarǵa jergіlіktі bılіk arnaıy top quryp apta sońyna deıіn jerdemdesemіz dep ýáde berdі.